amalinks wokungena

Breaking News

IJohn Tallach School Ibisela Emakhaya Abantwana Kulandela Ukuqhamuka Komkhuhlane weCOVID-19


Umphathi wesikolo seJohn Tallach labamele iZimbabwe Christian Alliance babuka impahla yokunceda abantwana abalomkhuhlane weCOVID-19. (Photo: Zimbabwe Christian Alliance)
Umphathi wesikolo seJohn Tallach labamele iZimbabwe Christian Alliance babuka impahla yokunceda abantwana abalomkhuhlane weCOVID-19. (Photo: Zimbabwe Christian Alliance)

UDokotela Munekayi Padingani, okhokhela isabelo seMatabeleland North, utshele umsakazo weStudio 7 ukuthi isikolo lesi siqale ukubisela abantwana emakhaya ngoLwesibili.

"Kulabantu abangu 185 abagulayo eJohn Tallach. Abafundi abangu 181 lababalisi abangu four. Kusukela ngeTuesday abafundi abangabhaliyo imihloliso bengelamkhuhlane babuyele emakhaya. Esikolo kuzasala ababhalayo kuphela behambe bengaqeda ukubhala sebehloliwe ukuthi abalamkhuhlane."

Abalabantwana abasele esikolo lesi bathi kabatshelwa ngokugcweleyo ngokwenzakala eJohn Tallach High School, okulabantwana abafika phose amakhulu amabili – 181 lababalisi abane abalomkhuhlane weCOVID-19. Omunye wabazali abakhathazekileyo nguMnu. Elliot Siziba.

Umphathi wesikolo seJohn Tallach wenqabe ukuphendula imbuzo yeStudio 7 esithi umthetho awumvumeli ukuxoxisana lentathelizindaba. Kusenjalo, abazali abalabantwana eMatobo Mission bathi kuyancomeka okwenziwe yisikolo lesi okulabanye abantwana abale COVID-19. UNkosikazi Evidence Dube uthi bayajabula ngendlela umphathi wesikolo abazisa ngayo ngesimo sabantwana.

“Ngilomtwana oseMatopo High. Akukubi kangako eMatopo High ngoba umphathisikolo uyasazisa zonke insuku ngokwenzakala esikolo okulabanye abantwana abaleCOVID-19 ..."

Abazali abanengi bathi uhulumende katshengisi ukukhathazeka ngokwenzakala ezikolo. UMnu. Thembakuye Moyo, umngcinisihlalo weAmalgamated Rural Teachers Association koBulawayo, uthi kuyamangalisa okwenziwa nguhulumende.

Umphathintambo wokukhitshwa kwembiko uNkosikazi Monica Mutsvanga utshele idale lephalamende izolo ukuthi uhulumende kasoze avale izikolo kodwa uzakhangelisisa ukuthi iziqondiso zokuvikela ukumemetheka kweCOVID ziyalandelwa

XS
SM
MD
LG