amalinks wokungena

Breaking News

Uyamemetheka Umkhuhlane weCOVID-19 Osuhlasele Odokotela Labongi


FILE - Kuhlolwa umuntu ocatshangelwa ukuthi ulomkhuhlane weCOVID-19.
FILE - Kuhlolwa umuntu ocatshangelwa ukuthi ulomkhuhlane weCOVID-19.

Uyamemetheka umkhuhlane weCOVID-19 eZimbabwe okulabantu abedlula inkulungwane ezimbili lamakhulu amane – 2,434 asebehlolwa batholakala belomkhuhlane lo osubulele abangamatshumi amathathu lane – 34.

Uhlangothi lwezempilakahle luthi abantu ababedlula amakhulu amahlanu – 518 sebaphepha kumkhuhlane weCOVID-19 eZimbabwe.

Kubikwa ukuthi umemetheka okwethusayo umkhuhlane lo eCowdray Park, Nkulumane, Magwegwe West, Emganwini leNkulumane. Iziphathamandla zikahulumende kubikwa ukuthi sezifuna ukuthi indawo lezi zivalwe ngci ukwenzela ukuthi ungamemetheki kakhulu umkhuhlane weCOVID-19 koBulawayo.

Isibhedlela seParirenyatwa Group of Hospitals sithi kulezisebenzi ezingamatshumi ayisikhombisa – 70 esezihlolwe zatholakala zilegciwane leCOVID-19. Sithi kulabantu abanengi abahlolwe betholakale belomkhuhlane lo abangaveli endaweni ezaziwayo ukuthi kulomkhuhlane weCoronavirus. Kusenjalo, kulabodokotela abambalwa, abongi labongikazi abedlula ikhulu asebehlolwe batholakala bele COVID-19 koBulawayo.

Kudaba olufanayo, uhlangothi lwezemfundo lubika ukuthi luzaqhubekela phambili ngezifundo zabantwana emsakazweni kusukela kusasa kusiyafika ngoLwesihlanu. Izifundo lezi ngezika Grade 1 kusiya kuGrade 7.

XS
SM
MD
LG