amalinks wokungena

Breaking News

Osuke NgoMgqibelo eGoli Etshova Ibhayisikile Esiye koBulawayo Ufike NgeSonto Kusihlwa eGwanda


UMnu. Meli Ndlovu otshova ibhayisikili esuka eGoli esiya koBulawayo. (Courtesy Photo)

UMnu. Meli Ndlovu, osuke eGoli ngoMgqibelo etshova ibhayisikili, ufike eGwanda ngeSonto kusihlwa.

UNdlovu uthi uhambe kahle loba ibhayisikili lakhe beselibhoboka amathayi ngesikhathi esedlula eWest Nicholson.

Uthi lokhu kwenze ukuba alale eGwanda lapho ehluleke ukuthola amathaya amatsha ngenxa yokuthi besekuvalwe zonke izitolo ezithengisa amathaya amabhayisikili.

UNdlovu ukhangelelwe ukuba uzavuka ekuseni edolobheni leli alungise amathaya aqhubekele phambili ngohambo lwakhe olokulimukisa uzulu ngomkhuhlane weCOVID-19.

Nanti ibhayisikili lika Mnu. Meli Ndlovu olitshova esuka eGoli esiya koBulawayo. (Courtesy Photo)
Nanti ibhayisikili lika Mnu. Meli Ndlovu olitshova esuka eGoli esiya koBulawayo. (Courtesy Photo)

Ubefisa ukufika ngeSonto ntambama koBulawayo.

Kungumango ofika amakhilomitha afika phose amakhulu ayisitshiyagalolunye - 859.4 km ukusuka eGoli kusifiya koBulawayo.

Umuntu otshova ibhayisikili ehamba ngesiqubu esifika okuyisilingamiso samakhilimitha angamatshumi amane lanhlanu phakathi kwehola (45km/hour) uthatha phose amalanga amabili ukuba afike koBulawayo esuka eGoli.

UNdlovu utshova ibhayisikili elisetshenziswa ngabancintisa emidlalweni yaphezulu eyamabhayisikili edlalwa emhlabeni wonke jikelele enjengowaziwa ngokuthi yi-Union Cycliste Internationale (UCI) Road World Championships.

Facebook Forum

XS
SM
MD
LG