amalinks wokungena

Breaking News

Ibandla leAfrican National Congress Likhetha uCyril Ramaphosa Ukuthi Abengumongameli


UNkosazana Dlamini-Zuma uxoxa lomsekeli kamongameli wakwele South Africa, uMnu. Cyril Ramaphosa.

Umsekeli kamongameli kwele South Africa, uMnu. Cyril Ramaphosa, usekhethwe ngabalandeli bebandla leAfrican National Congress, ukuba ngumongameli webandla leli.

Unqobe uNkosazana Dlamini Zuma, owayengumka mongameli Jacob Zuma njalo wabakunhlanganiso yeAfrican Union.

Ababili laba batshiyane kancane kukhetho lolu lapho okuvote khona amalunga ebandla leANC afika inkulungwane ezinhlanu – 5,000.

URamaphosa ukhangelelwe ukuthi uzakhethwa ukuthi abengumongameli wakwele South Africa kukhetho oluzakwenziwa ngomnyaka ka2019.

Uthatha intambo zombuso webandla leli kuMongameli Zuma oyabe elokhe ephethe isikhundla sikamongameli kuze kuyefika umnyaka ka2019.

Ibandla leANC, elake lakhokhelwa nguMongameli Nelson Mandela loMnu. Thabo Mbeki, langena embusweni ngomnyaka ka1994 kulandela impi yenkululeko.

Facebook Forum

XS
SM
MD
LG