amalinks wokungena

Breaking News

ZAPU: Sizahlola Ukuqhutshwa Kokhetho Ukwenzela Ukuthi iZANU PF Ingaqilibezeli


Dumiso Dabengwa

Umkhokheli webandla leZAPU, uMnu. Dumiso Dabengwa, utshele izakhamizi zeBeula labazancintisa kukhetho lokudinga amalunga edale lephalamende ezansi yemaNdebeleni ukuthi bazakusa amalunga amanengi endaweni zokuvotela emizameni yokuvikela athi yibuqili bebandla leZanu PF. .

EleZimbabwe selifike esibangeni esiphezulu samalungiselelo okhetho oluqhutshwa lonyaka ngemva kokubhalisa kwabantu kugwalo lwabalelungelo lokuvota phansi kohlelo lwemitshina yangalezi nsuku olweBVR.

UMnu. Dabengwa ukhuthaze abantu ukuba baqhubeke bebhalisela ukuvota njengoba kungakavalwa njalo bavotele ibandla lakhe kukhetho lwelizwe lonke. Uthi bazakusa abantu ababili phandle, lababili phakathi kwendlu yokhetho ilizweni lonke ukwenzela ukuthi lanxa ibandla elibusayo lifisa ukugqiba amabhokisi okhetho lehluleke.

UMongameli weMRP, uMqondisi Moyo yena uthi okwamanje bazakuba loyedwa phakathi, kuthi phandle babebanengi ngoba iZEC ivumela umuntu oyedwa phakathi.

UMongameli we PDP, uNkosikazi Lucia Matibenga laye uthi bazangezelela abantu ngelanga lokhetho kodwa belandela umthetho.

EZimbabwe amabandla edlula ikhulu asebhalisile kuZEC esazisa ukuthi azaphatheka kukhetho oluzayo. Amabandla aphikisayo ahlalele evalweni mayelana lamalungiselelo okhetho, kulandela ukungazi amalanga okhetho.

Okwamanje amabandla aphakathi kokukhetha amalunga azabamela ukuncintisa lokudinga amalunga edale lephalamende lakukhansili olwamaprimaries, kuthi ibandla elibusayo likhethe kuviki edlule njalo amagwaliba amakhulu okukhankasela umongameli wabo asegcwele indawo yonke.

Kuyonale inyanga mhla zilitshumi lasificamunwe munye, kusiya mhla zingmatshumi amabili lasificamunwe munye, iZEC inxuse ababhalisela ukuvota ukuba baye endaweni ezizamenyezelwa ukuyahlola amabizo abo kuluhlu lwabalelungelo lokuvota olwe Voters roll.

Labo ababhalisela ukuvota ngaphansi kohlelo lweBVR kodwa sebefuna ukuguqula lapho abazavotela khona bakhuthazwa ukuthatha lelithuba lokuhlola amabizo abo kuluhlu lolu baze logwalo olufakaza ikheli yalapho asebefuna ukuyavotela khona.

Abalezihlobo zabo ezabhubhayo asebebhalisele ukuvota labo bayacelwa ukuba ngesikhathi kuhlolwa uluhlu lwababhalisele ukuvota bazise iZEC ngezihlobo zabo esezatshonayo ukuze amagama abo akhutshwe kuvoters roll.

Abantu abadlula izigidi ezinhlanu benelise ukubhalisela ukuvota eZimbabwe. UMongameli Emmerson Mnangagwa nguye omelelwe ukuthi ethule isaziso selanga lokhetho esebenzelana labeZEC yona esibike ukuba isilungele ukuqhuba ukhetho.

please wait

No media source currently available

0:00 0:03:21 0:00

Facebook Forum

XS
SM
MD
LG