amalinks wokungena

Breaking News

Abesifazana Bafola Emigwaqweni Beveza Ukuhlukunyezwa Ngabesilisa Ezindlini


Abesifazana abafole emigwaqweni beveza abahlangana lakho ezindlini

Abesifazana lamantombazana edolobheni leGwanda ngoMgqibelo bangene emigwaqweni benanza insuku ezilitshumi lasithupha zokulwisana lokukhahlanyezwa kwabesifazana ezindlini.

Lumkhankaso ubujonge ukuxwayisa uzulu, ikakhulu omama, ngodlakela lwezindlini kulandela imbiko eveza ukuthi ngeviki umthethwandaba kamantshi edolobeni leGwanda kuthetha amacala amathathu wodlakela lwezindlini.

Loba nje umkhankaso wokulwisana lodlakela kubomama lamantombazana owe 16 Days of Activisim Against Gender Based Violence ususiya emaphethelweni, abesifazana kanye lamantombazana edolobheni leGwanda, bangene emigwaqweni bekhankasela ukuqedwa kodlame ababhekane lalo.

Amajaha alihlekana lawo aphatheke kumkhankaso lo obuqoqwe yinhlanganiso yeWomen Development Association in Zimbabwe (WODAZ). Bangene emigwaqweni bethwele amagwaliba atshiyeneyo bekhonona ngodlame ababhekane lalo olufuna lokutshaywa, ukudlwengulwa lokwendiswa kwabantwana abancane.

UNkosazana Julieth Nkiwane, umqondisi weWODAZ, uthe bamanyane lezinye inhlanganiso zabomama edolobheni leGwanda ukuze bavezele uzulu ngodlame abahlangana lalo.

Abesifazana bathi bayakhahlanyezwa okumangalisayo ezindlii.
Abesifazana bathi bayakhahlanyezwa okumangalisayo ezindlii.

UNkosazana Nkiwane uthe udlame kubomama lubhahile kakhulu kulelidolobho yikho nje benze umkhankaso lo.

Omunye ophatheke kulumkhankaso ngosakhulayo, uNkosazana Susan Ncube, othe udlame lukhathaza wonke umuntu kungakhathalekile ukuthi ngowesifazana kumbe owesilisa.

UNkosazana Linda Mpofu, obona ngokuqhutshwa kwenhlelo ze Womens’ Coalition of Zimbabwe edolobheni leGwanda, ngomunye walabo abangene ezitaladeni besuka elokitshini elidala leGwanda besiyafika ePhakama.

Uthe babambane leWODAZ ukwenzela ukuthi balimukise uzulu ngohlupho lokukhahlanyezwa kwabesifazana ezindlini.

Umkhankaso wokuqeda udlame kubomama lamantombazana ugqitshwa okusemthethweni emhlabeni wonke jikelele kusasa kodwa omama beGwanda bathi bazaqhubekela phambili bekhankasela ukuqedwa kodlame.

Bafole Emigwaqweni Besola Ukukhahlanyezwa Ngabesilisa
please wait

No media source currently available

0:00 0:02:33 0:00

Facebook Forum

XS
SM
MD
LG