amalinks wokungena

Breaking News

Kambe Ngubani Ozanqoba Abanye Ukuze Amele Ibandla Lama Democrats Kukhetho Lukamongameli?


UMnu. Beto O'Rourke okubandla lama Democrats.
UMnu. Beto O'Rourke okubandla lama Democrats.

Banengi abantu asebengene kukhetho lokudinga umongameli wakwele Melika oluzakwenziwa ngomnyaka ka2020.

Omunye wabafisa ukungena kukhetho lolu nguMnu. Beto O’Rourke owayekudale leCongress endaweni ebizwa ngokuthi ye-El Paso emgceleni welizwe leMelika leleMexico.

Kambe uzanqoba abanye na abafisa ukungena kukhetho lukamongameli abagoqela uNkosikazi Elizabeth Warren, uMnu. Cory Booker labanye abanengi abakubandla lama Democrats. Nxa engakhethwa ngama Democrats ulakho ukunqoba uMongameli Donald Trump na?

UNkosikazi Priscilla Ndlovu, ingcwethi kwezombusazwe, uthi uO’Rourke ulakho ukuthakazelelwa ngabatsha njalo lalabo abakubandla lama Democrats abafuna ukuthi osakhulayo ancintisane loMongameli Trump.

“Ngokubona kwami bakhona abafisa ukuthi osakhulayo ancintisane loTrump lobanje ngingeke ngatsho okwamanje ukuthi ngubani ozanqoba phakathi kwabo bonke laba abafisa ukuncintisa kukhetho lukamongameli bemele ibandla lama Democrats.”

UTrump uhle wachothoza uMnu. O’Rourke esithi ukhanya engani ukhuluma kakhulu ngezandla hatshi okuphuma emlonyeni wakhe.

Kodwa-ke uO’Rourke uthe uTrump ukhuluma okomuntu engalanto afisa ukuyitshela uzulu.

Akukakhanye kahle ukuthi ukhona ozamisana loTrump kukhetho lwama Republicans lokudinga ozancintisa kukhetho lukamongameli.

Abanye kukhanya bemesaba uTrump.

Ingxoxo Esiyenze LoNkosikazi Priscilla Ndlovu
please wait

No media source currently available

0:00 0:03:41 0:00

XS
SM
MD
LG