amalinks wokungena

Breaking News

Dibadiba! iHighlanders Le FC Platinum Kusasa


Castle Lager Premier Soccer League.

Umqeqetshi weqembu le Highlanders uMadinda Ndlovu uthi kuzakuba ncane indawo kusasa enkundleni yeMandava lapho iqembu lakhe elizabe livakatshele khona iqembu elihlezi phezu kwengalane yemiklomelo ele FC Platinum okuyilo njalo eliphakamise isicoco se PSL nyakenye.

Umfoka Ndlovu uthembise ukuba umdlalo wakusasa uzabe unathisa amanzi njengoba womabili lawamaqembu ethanda ukulichaya ibhola.

Kutsho uNdlovu: “Into ekhona nje yikuthi siyathembisa ukuba lizabona umdlalo ochazayo ngoba iqiniso elikhona yikuba thina kasizake sithwale nzima nxa sidlala lamaqembu alidlalayo ibhola ngoba lathi sithanda ukulidlala ibhola. Yikho ke sizabalanda kasisoze sibesabe.”

Kweminye imidlalo yakusasa iqembu le Bulawayo City lizemukela ele Mutare City Rovers enkundleni ye Barbourfields emdlalweni wamaqembu ahlezi emsileni wengalane yemiklomelo, iqembu le Herentals lizemukela ele Shabanie Mine ngase National Sports Stadium kuthi ele Dynamos lizadlala lele Nichrut ngase Rufaro.

Ngesonto iqembu le Chapungu lizemukela ele CAPS United ngase Ascot Stadium, iqembu le Bulawayo Chiefs lizadlala lele ZPC Kariba ngase Luveve, iqembu le Black Rhinos lizangqikilana lele Ngezi Platinum Stars ngase National Sports Stadium, iqembu le Triangle lizadibana lele Chicken Inn ngase Gibbo kuthi iqembu le Harare City lizadlala lele Yadah ngase Rufaro.

please wait

No media source currently available

0:00 0:01:20 0:00

Facebook Forum

XS
SM
MD
LG