amalinks wokungena

Breaking News

Odokotela Baqhubekela Phambili Bekhalala Umsebenzi eZimbabwe


Odokotela baqhubekela phambili bekhalala umsebenzi.

Odokotela baqhubekela phambili bekhalala umsebenzi osokwenze labongikazi benze okufanayo endaweni ezitshiyeneyo kwele Zimbabwe.

Abanye abantu babikwa ukuthi sebedinga uncedo enyangeni lobanje bebalutshwana abenza lokhu.

Ukukhalala umsebenzi lokho sokufaka impilo kazulu esimeni esibi ngoba inengi kaliselatshwa ezibhedlela.

Ekuqaleni inhlangothi zama Out Patient Departments yizo ebezivaliwe kuthi odokotela abakhulu abangavunyelwa ukukhalala umsebenzi bebenanza abantu abagula kakhulu abaku Intensive Care Unit kanye lalabo akade befika ezibhedlela begula kakhulu.

Isikhulumi sabodokotela abangaphansi kwenhlanganiso yeZimbabwe Hospitals Doctors ‘Association, uDr. Mxolisi Ngwenya, uthi lokhe beqhubekela phambili bekhalala umsebenzi. Uthi uhulumende akazimiselanga ukubalalela.

Umsakazo weStudio 7 wenze uphenyo lokuzama ukuthola ukuthi kungabe ukuthengwa kwemithi yesintu sokukhuphukile ngenxa yokukhalala umsebenzi kwabodokotela. Uphenyo lolu luveze ukuthi uzulu kajahanga ukwelatshwa ngemithi yesintu.

Udokotela wesintu osebenzela emkambo weMakokoba, uMnu. Nduna Baloyi, uthi abelaphi abantu abagula kakhulu njalo abafuni bantu abanatha amaphilisi.

Uthi njalo ibhizimusi kayikakhuphuki kulandela ukutshengisela kwabodokotela.

Uthi abazedinga usizo lwabo ngabantu abalomkhuhlane wengulamakhwa.

Abantu abalezihlobo zabo ezilaliswe esibhedlela seMpilo bathi kungcono ukuthi bayegulele ngekhaya kulokuthi balahlekelwe yimpilo besesibhedlela ngenxa yokuswela koncedo lwabodokotela.

UNkosikazi Siphiwe Ncube uthi khathesi isibhedlela sesifana lesilindo sokufa.

UMnu. Thomas Sithole, isakhamuzi sako Bulawayo obegulelwa ngunina, uthi bamkhiphile esibhedlela seMpilo bayamelaphisa kobodokotela abazimele bodwa.

Abongikazi labo bakhalele umsebenzi ngoLwesihlanu kodwa iStudio 7 yehlulekile ukuthola imIbono yabo. Isikhulumi sabo, uMnu. Simangaliso Mafa, uthe angeke akhuluma ngodaba lolu ngenxa yokuthi balokhe bephakathi kokuxoxisana lohulumende.

Udaba Esilethulwe NguBathabile Masuku
please wait

No media source currently available

0:00 0:03:03 0:00

Facebook Forum

XS
SM
MD
LG