amalinks wokungena

Breaking News

Odokotela Abakhulu Basekela Abathuthukayo Abakhalale Umsebenzi eZimbabwe


UDokotela Sacrifice Chirisa loDokotela Mthabisi Bhebhe

Odokotela abakhulu abakunhlanganiso yeZimbabwe Medical Association labonobhala bezibhedlela sebenike uhulumende isikhatshana sokuthi balungise okuhlupha odokotela abathuthukayo asebelamalanga angamatshumi amabili lasitshiyangalombili bekhalale umsebenzi bekhonona ngokuswelakala kokusetshenziswa ezibhedlela, iholo lokunye okumbalwa.

UDokotela Sacrifice Chirisa, omele amadokotela akunhlanganiso yeZimbabwe Medical Association, utshele intathelizindaba ukuthi sebenike uhulumende amahola angamatshumi amane lasificaninwe mibili ukuthi alungise okuhlupha odokotela abathathukayo.

UDokotela Chirisa uthe bazakhalala umsebenzi nxa kungenziwanga lokhu. Ugcizelele esithi basekela zonke izikhalazo ezethulwe ngodokotela abathuthukayo.

Usole uhulumende othi odokotela abakhalale umsebenzi kabalandaba lezigulane njalo sebemiswe okwesikhatshana umsebenzi. Uhulumende uthi uzajezisa bonke odokotela abakhalale umsebenzi okumele bathoniswe izenzo zabo luhlangothi lukahulumende olubona ngokuqhatshwa kwabodokotela olweHealth Service Board.

Umthethwandaba weLabor Court usanda kwethula isinqumo sokuthi ukukhalala umsebenzi okwenziwe ngodokotela abasakhulayo akukho emthethweni.

UDokotela Mthabisi Bhebhe, unobhala jikelele wenhlanganiso yeZimbabwe Hospital Doctors’ Association, wamukele ngokujabula okwethulwe ngamalunga eZimbabwe Medical Association.

'Kasibuyeli Emsebenzini Uhulumende Engakalungisi Konke Okusihluphayo'
please wait

No media source currently available

0:00 0:04:25 0:00

Facebook Forum

XS
SM
MD
LG