amalinks wokungena

Breaking News

Uhulumende Utshaya Phansi Ngenduku Esithi Uzajezisa Odokotela 'Ababaleka' Emsebenzini


Uhulumende uthi uhlangothi lwezempilakahle luzathonisa ngoLwesihlanu amacala abodokotela okuthiwa abaleka emsebenzini ekhonona ngeholo eliphansi.

UNkosikazi Monica Mutsvangwa, umphathintambo wezokwethulwa kwemibiko, utshele intathelizindaba eHarare ukuthi odokotela bonke abangekho emsebenzini kumele babhekane lamacala okusuka ezibhedlela zikahulumende ngoMpandula okungekho emthethweni. Odokotela bathi kabasenelisi ukuya emsebenzini ngenxa yeholo eliphansi.

UDokotela Tawanda Zvakada, osabambe okwesikhatshana isikhundla sikanobhala jikelele kunhlanganiso yabodokotela eyeZimbabwe Hospital Doctors’ Association, uthi kabasoze behlaliswe phansi nguhulumende bathoniswe amacala okuthi babaleka emsebenzini.

Uthi bekumele bathoniswa izolo kodwa kwehlule ngoba baswele imali yokuthi baye endaweni lapho obekuthoniswa khona amacala abawetheswa nguhulumende.

Umthethwandaba weLabour Court wethula isinqumo sokuthi odokotela laba babaleka emsebenzini hatshi ukuthi bayehluleka ukuya ezibhedlela ngenxa yeholo eliphansi. Uhulumende uthi bonke abangayi emsebenzini kabasoze bathole iholo.

Facebook Forum

XS
SM
MD
LG