amalinks wokungena

Breaking News

UTrump Lokhu Ethukuthele Kulandela Ukunqotshwa Kwakhe Kukhetho Lukamongameli


Former U.S. President Donald Trump speaks at the Conservative Political Action Conference in Orlando, Florida, Feb. 28, 2021.

Kulabalandeli bebandla lama Republicans abathi owayengumongameli, uMnu. Donald Trump, kumele ancintise kukhetho oluzakwenziwa ngomnyaka ka2024 njengoba besithi kukhanya esekelwa ngabanengi abakubandla leli

Uphenyo olwenziwe izolo emhlanganweni weConservative Political Action Conference eFlorida luveza ukuba abantu abafika isilinganiso sokungamatshumi amahlanu lanhlanu ekhulwini – 55 percent – bafisa ukuba uTrump ancintise kukhetho oluzakwenziwa ngo2024. Laye uTrump utshele abalandeli bakhe ukuba ulakho ukuncintisa kukhetho lolu.

Uphinde wabatshela ukuba ukhetho olwenziwe nyakenye lwebiwa nguMongameli Joseph Biden loba wehluleka emithethwandaba etshiyeneyo ukuveza athi yibuqili obenziwa nguBiden labakubandla lama Democrats.

Uchothoze umbuso kaBiden esithi ululaza ilizwe leMelika.

Olandela ezombusazwe, uMnu. Raphael Mthombeni, ohlala kwele Melika, uthi uTrump lokhu ezikhukhumeza njengalokhu ayekwenza esesikhundleni sikamongameli.

UMthombeni uthi akwaziwa okuzakwenzakala kukhetho lwamalunga edale leHouse of Representatives leSenate, okukhanya uTrump ufisa ukujezisa abavotela ukuba ulecala lokutshotshozela udlakela olwenzakala eCongress ngoZibandlela lonyaka.

Omunye olandela okwenzekala eMelika, UMnu. Busani Mbuso Ntini, uthi uTrump wethusela bonke abantu acabanga ukuthi bayamzonda.

UTrump wanqotshwa nguBiden kukhetho lukamongameli olwenziwa ngoLwezi nyakenye kodwa wala ukuvuma ukuthi wakha phansi.

UTrump Lokhu Esidla Amahabula Ngokunqotshwa NguBiden Kukhetho Lukamongameli
please wait

No media source currently available

0:00 0:03:56 0:00


Facebook Forum

XS
SM
MD
LG