amalinks wokungena

Breaking News

UTrump Uyasebenza Loba Ehlolwe Watholakala EleCOVID-19


UMongameli Donald Trump lomkakhe, uNkosikazi Melania Trump, bekhankasela ukhetho lukamongameli esabelweni seOhio.

UMongameli Donald Trump, ohlolwe watholakala elegciwane leCOVID 19 kanye lomkakhe, uNkosikazi Melania Trump, usebenza esendlini eWhite House.

Obona ngokwenzakala eWhite House, uMnu. Mark Meadows, uthi sebehlola bonke abantu abasondela duzane lomongameli lekhosikazi lakhe ngesikhathi elungiselela ingxoxo mpikiswano kamongameli lemikhankaso yokhetho oluzayo.

USean Conley, udokotela kamongameli, wethule umbiko othi uTrump ugula kancane njalo usezivalele endaweni lapho azahlala khona yedwa kuze kubonakale ukuthi kaselawo umkhuhlane lo.

Umkakhe, owethule umbiko oveza ukuthi ugula kancane, laye uzivalele kulokhu okubizwa ngeSilungu ngokuthi yiQuarantine esigodlweni sikamongameli eWhite House.

Umcebisi wakhe olodumo, uNkosazana Hope Hicks, uhlolwe ngoLwesine watholakala eleCoronavirus.

Abantu abanengi abagoqela uMnu. Joe Biden, osanda kungqikilana loTrump kungxoxo mpikiswano yokhetho lukamongameli njalo osehlolwe umkhuhlane weCOVID-19, uNkosikazi Nancy Pelosi okhokhela idale leHouse of Representatives, uMongameli Emmerson Mnangagwa lenkokheli yomhlaba wonke jikelele, babafisela ukuba baphephe kumkhuhlane lo osubulele abantu abedlula isigiqi – 1,023,983 emazweni atshiyeneyo.

Akwaziwa ukuba kuzakwenziwani ngengxoxo mpikiswano okumele yenziwe phakathi kwenyanga le nxa uTrump elokhu egula.

Kulabantu abedlula inkulungwane eziyisikhombisa – 7.2 million asebahlolwe kwele Melika batholakala belegciwane leCOVID-19. Sokubhubhe abedlula inkulungwane ezingamakhulu amabili – 207,867.

Emhlabeni wonke jikelele, inkokheli yakwamanye amazwe esike yatholakala ilomkhuhlane lo igoqela uMnu. Boris Johnson wakwele Bhilithani, uMnu. Jair Bolsonaro wakwele Brazil labanye.

Kwenzakalani umuntu engatholakala elegciwane leCOVID-19? UDokotela Xolani Ndlovu uthi kuqakathekile ukuba umuntu azivalele endlini angahlangani labanye abantu kuze kubonakale ukuthi usuphelile umkhuhlane weCOVID-19.

UDokotela Ndlovu uthi okwamanje akulamaphilisi kumbe imihluzi eyelapha iCOVID-19.

Abanye abantu bangagula iCOVID-19 banatha iginger ehlanganiswe lama lemoni lokunye. Kodwa odokotela bathi akulaqiniso lokuthi lokhu kuyawelapha umkhuhlane lo.

Ingxoxo Esiyenze LoDokotela Xolani Ndlovu
please wait

No media source currently available

0:00 0:03:22 0:00


Facebook Forum

XS
SM
MD
LG