amalinks wokungena

Breaking News

UTrump Uthakazelela Ukukhethwa Ukuba Athole Isicoco seNobel Peace Prize


FILE: UMongameli Donald Trump ukhuluma labantu emhlanganweni webandla lama Republicans. (AP Photo/Chris Carlson)

UMongameli Donald Trump uthakazelela ukuthi usekhethwe lilunga ledale lephalamende kwele Norway, uMnu. Christian Tybring-Gjedde, owebandla leProgress Party, ofuna ukuthi aphiwe isicoco seNobel Peace Peace kulandela ukulamula kwakhe inzondano phakathi kwelizwe leIsrael lele United Arab Emirates.

UTrump wethule umbiko ebulenjini bokuxhumana obeTwitter kanye lenkundleni yeInternet eyokwethula imibiko yeWhite House, eveza ukuthakazelela kwakhe okwenziwe nguTybring-Gjedde, okubandla elikhuthaza konke okuthandwa ngumongameli wakwele Melika okunjengokuvinjwa kwemigcele.

UTrump wenza ilizwe leIsrael lele United Arab Emirates, ayezondana okumangalisayo, akhumisane umlotha kulandela iminyaka eminengi ethobelene.

UTrump wake wakhethwa ngomnyaka ka2018 ukuba anikwe isicoco lesi kodwa kasitholanga. Okwamanje kulabantu abedlula amakhulu amathathu – 318 asebekhethwe ukuba bathole isicoco lesi ngomnyaka ozayo. Isicoco lesi sinikwa abantu abaletha ukuthula emhlabeni ngendlela ezitshiyeneyo.

UMnu. Thomas Sithole, ingcwethi kwezombangazwe, uthi kuyamangalisa ukuthi kulomuntu okhethe uTrump ukuba athole isicoco seNobel Peace Peace.

Facebook Forum

XS
SM
MD
LG