amalinks wokungena

Breaking News

Douglas Mahiya: Akwenziwe Uphenyo Lokuthengisa Umhlabathi Kahulumende


UMnu. Douglas Mahiya (esandleni sokungxele) lamanye amalunga ebandla leZanu PF.

Obona ngezokukhankasela ibandla elibusayo esigabeni seHarare (Provincial Politiacal Commisar) kubandla le Zanu PF, uMnu. Douglas Mahiya, ukhuthaza abezomthetho ukuba benze uphenyo oluzosiza ukulungisisa kwezokuqonga kwenani labathengisa umhlabathi kahulumende lamasitanda eHarare South.

Isicelo lesi sika Mahiya siza ngemva kokuba kube lokuphazamiseka komhlangano awungene labalandeli bebandla esenzela ukubafundisa kwezokuqakatheka kokuyabhalisa ukuba lelungelo lokuvota kulandelwa indlela yakulezi nsuku ye Biometric Voter Registration (BVR).

UMahiya uthi okwenzakale eHarare South kumvule amehlo ukuba sibi isimo sokungathembeki ngakho-ke kulabantu abangafuni ukuba kulungisiswe lokhu ngoba bethola inzuzo ngakho.

UDouglas Mahiya uxoxa lamalunge ebandla leZanu PF.
UDouglas Mahiya uxoxa lamalunge ebandla leZanu PF.

UMahiya uthi akusiliqiniso okulotshwe ngabezindaba ukuba wasuka esengobelethe inyawo eHarare South ngemva kokuba amanye amalunga ebandla ephose amsusele amanqe ngesikhathi yena lenye inkokheli yeHarare kubandla leZanu PF ingene umhlangano wokufundisa uzulu phezu kokuqakatheka kokuba abhalise kugwalo lokuvota.

Uthi yena lenkokheli ye Zanu PF eHarare, bezodinga indlela zokukhulumisana leziphathamandla zasesipholiseni, phezu kwaloludaba oseluhluphile esigabeni seHarare South.

UMongameli Emmerson Mnangagwa uthembise uzulu ukuba uhulumende wakhe kasoze amelane lokungathembeki.

Kumazwi akhe awethule ngesikhathi ekhulumisana lozulu esethula umbiko weState of the Nation Address, uMnangagwa utshengise ukukhathazeka ngokwanda kwabathengisa umhlaba kahulumende ngokungekho emthethweni ethi kumele kumiswe lokho.

Akuhlolisiswe Ukuthengiswa Komhlabathi Kahulumende
please wait

No media source currently available

0:00 0:03:32 0:00

Facebook Forum

XS
SM
MD
LG