amalinks wokungena

Breaking News

Douglas Mwonzora: Kangisancintisi Ukhetho Lukamongameli Lwebandla leMDC


UMnu. Nelson Chamisa loMnu. Douglas Mwonzora. (Photo: VOA)

UMnu. Douglas Mwonzora, unobhala jikelele webandla leMDC elikhokhelwa nguMnu. Nelson Chamisa, uthi kasoze ancintise kukhetho lukamongameli kubandla leli ngenyanga ezayo.

UMwonzora utshele abalandeli bebandla leli ukuthi usebona kungcono ukuthi angancintisani loChamisa kukhetho lukamongameli.

Ubengakhethwanga ngitsho lesabelo esisodwa kukhetho lwezabelo olwenziwe endaweni eziyisikhombisa.

UChamisa ubekhethwe yizabelo zonke. Usekhangelelwe ukuthi kasoze ancintiswe kukhetho lukamongameli.

Ibandla leMDC lilezabelo ezifika itshumi lantathu ezikhangelelwe ukuthi zizakhetha abantu abazahamba emhlanganweni weCongress wokukhetha inkokheli entsha yebandla leli selokhu kwabhubha uMnu. Morgan Tsvangirai.

Akukacaci ukuthi uChamisa uzasekelwa ngobani loba nje kusobala ukuthi uMnu. Elias Mudzuri obemsekela khonamanje kakakhethwa ngabalandeli bebandla leli.

Kasenelisanga ukukhuluma leziphathamandla zebandla leli ngokwenzakala kuMDC okwamanje.

Facebook Forum

XS
SM
MD
LG