amalinks wokungena

Dumiso Dabengwa: Ibutho Likakho Ukuhluthuna Umbuso eZimbabwe

  • Gibbs Dube

UMnu. Dumiso Dabengwa

Owake waba ngumphathintambo wezekhaya, uMnu. Dumiso Dabengwa, uthi ibutho leZimbabwe lilakho ukuhluthuna umbuso kwele Zimbabwe kulandela ukususwa esikhundleni kowayengumsekeli kamongameli, uMnu. Emmerson Mnangagwa.

UDabengwa, owethule lokhu ngesikhathi evula okusemthethweni inhlanganiso yakhe yeDumiso Dabengwa Foundation, uthe abantu eZimbabwe kukhanya bangakuthakazelela lokhu lonje yena engakusekeli ngoba kungachitheka igazi elinengi elizweni.

Uphinde wathi akumangalisi ukuthi abantu beZimbabwe bengakusekela lokhu ngoba sebedubeke kakhulu ngaphansi kukahulumende kaMongameli Robert Mugabe.

Abesekele umbono lo bagoqela uMnu. Retired Colonel Baster Magwizi, owayekuvuyo leZIPRA ngesikhathi abansundu belwisana lohulumende kamuyi uIan Douglas Smith.

Uthe uDabengwa uyitshaye ekhaleni ngenxa yokuthi kuyamangalisa okwenzakala kwele Zimbabwe lapho abantu abanengi abehluleka ukuziphilisa khona.

Kodwa-ke ababukele okwenzakala eZimbabwe abagoqela uMnu. Nkosikathi Moyo loMnu. Claris Madhuku bathe kungeke kwenzakale lokhu ngenxa yokuthi kwaqalisa kudala ukuhlupheka kwabantu eZimbabwe.

Facebook Forum

XS
SM
MD
LG