WASHINGTON DC —
Inani labahlolwe batholakala beleCovid 19, ngelanga elilodwa kuphela, izolo eZimbabwe, lethuse abanengi. Babe yinkulungwane lamakhulu edlula amathathu-1,365, ababanjwe yileli gcikwane labulala abangamatshumi edlula amathathu-34 ngalanga linye.
Leli lilanga lesibili idolobho leHarare likhokhela ngokuba lenani eliphezulu, lilamakhulu phose athobaminwemibili-777. I-Bulawayo ibilandela ezithende, ilabantu abedlula kancane ikhulu-132.
Kunje sebezinkulungwane phose ezingamatshumi amabili- 17,194, asebehlolwe bafunyanwa belegcikwane leli lokhu laqhamuka eZimbabwe ngoMbimbitho wanyakenye. Abasinde kulolubhubhane, sebezinkulungwane ezedlula ezilitshumi lanye-11,813, kwafa abangamakhulu edlula amane-418.