amalinks wokungena

Inkampani yeEconet Isungula Uhlelo Lokunceda Abasakhulayo

  • Mavis Gama

Econet Building

Eyinye yamankampani abomakhalekhukhwini eye Econet Zimbabwe isiphawule uhlelo lwe Elevate Virtual Call Centre, olubikwa lungolwakuqala umhlaba wonke, lokuphathisa abasakhulayo ukuba bazitholele imali bezihlalele ngekhaya ngokusiza abathenga impahla etshiyeneyo kunkampani le.

Loluhlelo olwethulwe ngoLwesibili emkhosini owenzelwe ewoteleni eHarare, lulakho ukuthuthukisa abasakhulayo beZimbabwe abazinkulungwane ezingamatshumi amabili lanhlanu - 25,000, abalakho ukuzisungulela amabhizimusi abo, besebenzisa indlela yemitshina yakulezi insuku yama computers.

Umqondisi waloluhlelo olwe ELEVATE, uMnu. Jonathan Neshena, uthi lukunhlangothi ezine, ezizosiza ontanga, ukuthuthuka kwezamabhizimusi abo.

Umnumzana Kudzai Mawuwa, nguye uBrand Manager we Econet Wireless. Uchasisa ngokugcweleyo ngokumele kwenziwe ngabasakhulayo, ukuze babe yingxenye yaloluhlelo.

Ulandisa langokuthi kuyini okwenza bephume lalomcabango, wokusungula uhlelo lwaloluhlobo, oluqondiswe kwabasakhulayo.

Loluhlelo luqondiswe kwabasakhulayo, abaleminyaka esukela kwelitshumi lasithupha kusiya kwengamatshumi amathathu lane ( 16 – 34 years ).

Abafisa ukuphatheka kilo kumele baxhumane labo ngokuya kukhasi labo lebulenjini ye www.elevate.co.zw

Facebook Forum

XS
SM
MD
LG