amalinks wokungena

Breaking News

Amalungiselelo Okwakha I-Mall Egodini Aqhubeka Ngemfanelo: BCC


UMayor wakoBulawayo uMnu. Martin moyo

Konke sekuhleliwe ukuthi ngoZibandlela kumnyaka ozayo bazanika indawo yokwakha ivinkili lamabhizimusi kunkampani yeTearracotta,eyiyo eyakhayo.

UMayor weKhansili yakoBulawayo, uMnu. Martin Moyo uthi amalungiselelo okwakhiwa kwevinkili lamabhizimusi iGodini Mall aqhubeka kuhle kulelidolobho.

UKhansila Moyo uthi bekusalandelwa impumela yokucwayisisa kokwakhiwa lelivinkili okwaphuma kuphenyo olwenziwa liqula elalikhokhelwa
nguManjinela Hungwe.

Wengezelele wathi konke sekuhleliwe ukuthi ngoZibandlela
kumnyaka ozayo bazanika indawo yokwakha ivinkili lamabhizimusi kunkampani yeTearracotta,eyiyo eyakhayo.

Ikhansili ibikhuphe umbiko inxusa abantu abazaqalisa ukulungisa umhlaba andubana kwakhiwe.

UMqondisi walinkampani, uMnu. Thulani Moyo, uthi
sebebikelwe ngalelonyathelo yikhansili yakoBulawayo. Uthi ngabe
baqala kudala ukusebenza kodwa bebemiswe lucwaningo lukahulumende
olwabathola bemsulwa.

UMnu. Moyo uthi amankampani ayisifica
minwe mibili yiwo kuphela alethe ingwalo ezikhomba ukuthi balesifiso
sokusebenza.

Kusiya ekupheleni kwayonale inyanga bayabe sebehluzile uma kudingakala ukukhupha eminye imbiko kuphephandaba leThe Chronicle
ngoba bafuna amankampani azaqhuba umsebenzi ngemfanelo.

UMakhi omkhulu wakoBulawayo uMnu Bongani Dube uthe bayasola inani
lamankampani asebhalile edinga imvumo yokwakha njalo kufanele kuvulelwe abanye ukuze amankampani akoBulawayo ase ingwalo zawo ezikhombisa ukufuna ukwakha ekhansili.

Evumelana loMnu. Dube, umakhi, uMnu Albert Ncube uthe isimemezelo
abasibonanga njalo kufanele kuthunyelwe esinye ngoba phakathi kwamankampani asehambise ingwalo ngesikhathi isimemezelo sivalwa ababoni ukuthi awakoBulawayo akhona njengoba bengafikanga emhlanganweni owenziwe yinkampani yeTearracotta izolo koBulawayo.

UMnu Gidion Sibanda, umakhi wakoBulawayo uthe okunengi kuyafihlwa ngakho
sekumele ikhansili ikhuphe esinye isimemezelo ngoba akulankampani
yakoBulawayo ehambise amaphepha, okungadala umsindo omkhulu.

Ukwakhiwa kwevinkili lamabhizimusi kuzaqhutshwa ngamahlandla amabili,
elokuqala yikwakha indawo yezimota ezithwala abantu ezizabuyiselwa
masinya ukuze kungaphazamisi amabhizimusi besekusakhiwa amavinkili
lezitolo zabathengisa bezimele.


Facebook Forum

XS
SM
MD
LG