amalinks wokungena

Breaking News

EleBhilithani Selethese uKudakwashe Tagwirei Izijeziso Zenotho


Britain's Prime Minister Boris Johnson delivers a speech on plans to "level up" the country during his visit to the UK Battery Industrialisation Centre in Coventry, England, Thursday, July 15, 2021. (David Rose/Pool Photo via AP)

Uhulumende weBhilithani ngoLwesine wethese usomabhizimusi ongumcebisi kaMongameli Emmerson Mnangagwa, uMnu Kudakwashe Tagwirei izijeziso zenotho.

Obona ngobudlelwano beBhilithani lamanye amazwe uMnu Dominic Raab uthe bakubone kufanele ukuthi bafakele uMnu Tagwirei izijeziso ezizamvimba ukwethekelela kulelolizwe lokufaka imali yakhe emabhanga aseBhilithani ngoba ephatheka kumisebenzi yenkohlakalo, i-corruption.

URaab uthe njalo amankampani alawulwa nguTagwirei kanye lalawo alobudlelwano laye lawo athintwa yilezizijeziso.

Wengeze wathi inkohlakalo kaTagwirei ibangela ukukhwela kwentengo yezinto, khona okwenza uzulu weZimbabwe adle imbuya ngoluthi yena uTagwirei ekhomba ngophakathi.

UMnu Tagwirei ngumnikazi wenkampani yeSakunda Holdings lamanye atshiyeneyo.

Ngenyanga edluleyo inhlanganiso yaseMelika eyeThe Sentry yethule umbiko othi uTagwirei ukhanya esenza imisebenzi yokungethembeki.

Lanxa abanye besithi kumele kubunjwe iqula elizimeleyo liphenye loludaba, lokhu akukenzeki.

Asenelisanga ukukhuluma loTagwirei ngoba ubengadobhi ucingo lwakhe.

Isiphathamandla seMDC Alliance eMelika uMnu Tim Muringai utshele iStudio 7 ukuthi lanxa bengangeni ndawo kulokho okwenziwe yiBhilithani, ibandla lakhe lailfuna uTagwirei abizwe ephalamende ayephendula imibuzo ngodaba lwenkohlakalo ayetheswayo.

please wait

No media source currently available

0:00 0:02:19 0:00

Ilunga leZanu PF uMnu Believe Gaule yena othe lanxa engeke atsho ukuthi uTagwirei ulecala kumbe umsulwa, okusobala yikuthi iBhilithani imjesisele ubudlelwano bakhe lebandla elibusayo.

please wait

No media source currently available

0:00 0:03:18 0:00

Facebook Forum

XS
SM
MD
LG