amalinks wokungena

Breaking News

EleBotswana Lidubula Inkomo zeZimbabwe Ezedlula Amakhulu Amabili Emngceleni weShashe Lisithi Lenqabela Umkhuhlane


Owelusa inkomo uMnu. Bhekizitha Gumbo esimfice ebenga inyama ngoLwesithathu kuliviki ngemva kokudutshulwa kwenkomo zakhe ezimbili, uthi uzidonse zibhebha emlilweni njalo sezintathu esezibulewe phakathi kwamaviki amabili.

Abalimi abasemlageni phansi komfula uShashe e27 eKafusi eGwanda South bakhala ezimathonsi ngenkomo zabo abathi zidutshulwa njalo zitshiswe nguhulumende wakwele Botswana lapho zithe zachapha umngcele zangena kulelolizwe.

Abogatsha olubona ngokondliwa kwezifuyo bathi sezisedlula amakhulu amabili inkomo ezibulewe kumaviki adlulileyo.UAlbert Ncube usipha loludaba.

Abalimi bathi kulezinsuku uhulumende weBotswana kathandabuzi ukudubula inkomo zabo zingeqa umngcele zingene phetsheya.

UMnu Somandla Nyathi uthi okudala ukuthi inkomo zichaphele kweleBotswana yikuyadinga amadlelo aluhlaza njalo lokhu kubangelwa yikuthi ucingo lomngcele luyatshontshwa luphinde luwiswe zindlovu.

Owelusa inkomo uMnu. Bhekizitha Gumbo esimfice ebenga inyama ngoLwesithathu kuliviki ngemva kokudutshulwa kwenkomo zakhe ezimbili, uthi uzidonse zibhebha emlilweni njalo sezintathu esezibulewe phakathi kwamaviki amabili.

UMnu James Khumalo ongomunye walabo abasemlageni kuShashe, uthi sebedlela evalweni ngoba besesaba ukuthi inkomo zabo zingadutshulwa loba nini.

UMnu Julius Dube uthi loba nje bebencwetshwe indlebe lugatsha olubona ngokondliwa kwezifuyo kuleli olweVertinary ukuthi basuse inkomo zabo emlageni kunzima ukulithathatha lelinyathelo ngoba kungelamadlelo emakhaya abo.

Ukudutshulwa kwenkomo lokhu kuzatshiya inengi lingabayanga ngoba liphila ngokuthengisa lezinkomo ukuze lithenge ukudla, kutsho uMnu. Alexander Bhebhe.

UMqondisi wogatsha olubona ngokondliwa kwezifuyo eZansi yemaNdebeleni uMnu. Enat Mdlongwa ubike ekupheleni kwenyanga edluleyo ukuthi eleBotswana selidubule inkomo ezifika phose amakhulu amabili 180 labobabhemi abedlula ikhulu 109 endaweni ezingcelelane leBotswana ezibalisa iMashaba , eGwanda , koBeula leKezi.

Obona ngokwethulwa kwembiko kugatsha lwezokulima kweleBotswana uNkosazana Boikutsho Rabasha ebengaphenduli imbuzo esimthumele yona ngaloludaba ngesikhathi sisiya emoyeni.

Uhulumende weBotswana wathatha isinqumo sokudubula inkomo zakuleli ezeqa umngcele njengendlela yokuvikela ukumemetheka komkhuhlane womkhono weFoot and Mouth.

please wait
Embed

No media source currently available

0:00 0:04:19 0:00


Facebook Forum

XS
SM
MD
LG