amalinks wokungena

Breaking News

EleBotswana Licubgungula Ukuthi Imali Okuthiwa Ngu Mnangagwa Yasuswa Ngasese eZimbabwe Yasiwa Kulelolizwe Ngokusemthethweni Na?


Umngcele we Botswana le Zimbabwe

Inhlanganiso ecubungula ngokungeniswa kwemali eBotswana, ithi ngalesikhathi, ayingeke itsho ukuthi izigidi lezigidi ezibikwa zangena zivela eZimbabwe zingabe zangena ngendlela engaqondanga kumbe hatshi. Lokhu, kwenzakala ngesikhathi abanye abacubungula ngezomnotho besithi imali le, noma yakhitshwa elizweni, akutshengisi ukuthi yaphuma ngundlu kumbe kulamacala adalwayo.

Kuyonale iviki, uMongameli Emmerson Mnangagwa, ukhiphe uluhlu lwamakampani kanye labantu abangabe baqila ilizwe imali ngokuyikhipha ngendlela ezingayisizo elizweni.

Uluhlu lolu lutshengisa ukuthi kulemali edlula izigidi ezingamakhulu amathathu zamadola ($300million) eyangeniswa kweleBotswana, engazange ibuyele eZimbabwe okwakumele ibuyele.

UMnangangwa uthi amakampani kanye labantu abakhipha imali le, kumele batshetshe bayiphendukise kungenjalo abamthetho sebezangenela.

Ugatsha olubona ngekungeniswa lokukhitshwa kwemali eBotswana, olwe Financial Intelligience Agency lutshele abamaphephandaba eBotswana ukuthi ngalesisikhathi, alungeke lutsho kumbe kukhona okungaqondanga ngemali eyangena ivela eZimbabwe.

Kodwa abacubungula ngezomnotho bathi akulacala eladalwa ngendlela imali eyakhitshwa ngayo, kungumkhuba ojayelekileyo ukuthi amakampani afake imali emabhanga lapho inzuzo yabo eyabe ingceneke ngendlela abayifunayo.

"Akulanto engaqondanga, kujayelekile ibhizimusi, abantu bafuna ukufaka imali endaweni lapho abazakhululeka khona. EZimbabwe kulokungahlaliseki, ungakwazi ukuthi imali yakho ungayifaka ebhanga ungayithola yini. Ngakho bafaka imali endaweni abakwazi ukuthi abathwali nzima uma sebeyifuna."

Uthi njalo eleBotswana lilemthetho elukhuni ebhekane lokungenisa imali elizweni, ingavumi nje ukuthi kube kungeniswa kumbe kukhitshwa imali engaziwayo ukuthi ivela kuphi njalo ngasizatho bani….

Akulula ukungenisa imali zingaziwa ukuthi zivela ngaphi. Akumela kuthiwe imali le ayingiswa kuhle. Yindlela eqondileyo, njalo ejayelekileyo kwezebhizimusi."

Omunye weZimbabwe ohlala eGaborone, umnunzana Stanley Ncube uyazibuza ukuthi uluhlu lolu kungani lulamakampani angaphansi kukahulumende, njalo angantshontsha njani uhulumende imali ivele ingeyakhe.

"Uluhlu lolu aluqedakali, sibona ngitsho lamakampani angaphansi kukahulumende afana lamaphephandaba eChronicle kanye leSunday News. Njalo imali le angithi yaphuma emabhanga isiwa kumabhanga eBotswana, yayizahamba kanjani uma kungaziwa.

Amabhanga endaweni ezifana leSouth Africa, Botswana kanye lezinye indawo angithi lawo ayebona ukuthi imali evela kuphi njalo ngasizatho bani."

Njalo kulembuzo yokuthi imali le yaphuma iluhlobo bani njengoba iZimbabwe iseleminyaka ingelamali yayo.

Abanye njalo bathi kungani lolu luhlu lungelabantu, ikakhulu iziphathamandla ezikucele alalisekela umongameli Mnangagwa eleLacoste, kusiba mgceke ukuthi le kungaba kuyimpi yezombusazwe hatshi eyokudinga imali okuqhotho.

please wait

No media source currently available

0:00 0:03:16 0:00

Facebook Forum

XS
SM
MD
LG