amalinks wokungena

Breaking News

Sokuthunqa Uthuli Emkhankasweni Wokhetho Oluzakwenziwa eMelika Ngomnyaka ka2020


UMnu. Ben Sanders loNkosikazi Kamila Harris abancintisa kukhetho lukamongameli oluzakwenziwa ngomnyaka ka2020.

Uqhubekela phambili umkhankaso wokhetho lulamongameli oluzakwenziwa ngomnyaka ka2020.

Abancintisa kukhetho lolu abagoqela uMnu. Ben Sanders, okubandla lama Democrats, labanye bakhe abambalwa bahlasela uMongameli Donald Trump besithi usebhidlize isimo seMelika.

USanders uthi kugcwele inzondo kwele Melika.

Kumele sehlukane lenzondo lakho konke okukhulunywa ngabantu abanjengo Trump. Kumele sibelilizwe elilabantu abahloniphekayo.”

UMongameli Donald Trump
UMongameli Donald Trump

Kodwa uMnu. Donald Trump uthi abantu abalenzondo ngabalandeli bebandla lama Democrats.

Sonke isikhathi ama Democrats atshengisela ukuthi sebephambene ingqondo. Akungimangalisi lokhu.”

UMnu. Joe Biden, owayengumsekeli kaMongameli Barack Obama njalo oncintisa kukhetho lolu, uthi uTrump nguye ophambanisa ilizwe.

“Okusenza sibelilizwe elihloniphekayo yikuhlonipha abanye abantu lokulandela ubuntu bethu.”

UMnu. Joe Bidenukhankasa ePlymouth, N.H., June 4, 2019.
UMnu. Joe Bidenukhankasa ePlymouth, N.H., June 4, 2019.

Uthi ulwisana lezenzo zikaTrump. “Angihlaseli uTrump ngokwakhe ngikhuluma ngezenzo zakhe. Akusimlandu wami ukuthi ngikhulume ngaye.”

Omunye okubandla lama Democrats, uNkosikazi Kamala Harris, uthi banengwa yizenzo zika Trump.

“Kasizake sime ukulwa yikho silapha namuhla. Siyakwazi ukuthi ilizwe lethu liyabhidlika. Silapha ngoba umbuso wethu owe-democracy usugugudekile. Lokhu kasikaze sikubone. Kumele sibezazi ukuthi singabobani.

“Kumele sibikele abantu ukuthi singobani. Bantu beMelika singcono kulalokhu. Akusilo lizwe leMelika lapho okuthukwa khona abethula imibiko lezindaba.”

Sebesedlula amatshumi amabili abancintisa kukhetho lukamongameli abakubandla lama Democrats.

Udaba Esilethulelwe NguGibbs Dube
please wait

No media source currently available

0:00 0:04:10 0:00

Facebook Forum

XS
SM
MD
LG