amalinks wokungena

Breaking News

EleMelika Lisola Uhulumende weZimbabwe Ngokuhlukuluzwa Kwabantu Libutho Lamapholisa


EleMelika likhuthaze uhulumende weZANU PF ukuthi akhulumisane lamabandla ezombusazwe aphikisayo kanye lozulu weZimbabwe jikelele kunkulumo okumele zikhokhelwe ngumuntu olilunga elizimeleyo ongeyamanga kuhlangothi oluthile.

Uhulumende weMelika uthi ukhathazekile kakhulu ngokuhlukuluzwa, ukudlwengulwa, kanye lokubulawa kwabantu abangamatshumi phose amabili okubikwa kwenziwa ngamapholisa lamasotsha ngenyanga edluleyo eZimbabwe.

Embikweni owethulwe ngoLwesibili lugatsha olubona ngobudlelwano balelolizwe lamanye, olweState Department, uhulumende weMelika uthe njalo uphatheke kabi ngokuhlukuluzwa kwamalunga enhlanganiso ezizimeleyo okuqhubekayo. Ngokunjalo, uxwayise uhulumende weZimbabwe ukuthi atshiyane layo yonke imikhuba yokwephula amalungelo oluntu njalo akhulule bonke abalwela amalungelo oluntu ababotshiweyo.

EleMelika likhuthaze uhulumende weZANU PF ukuthi akhulumisane lamabandla ezombusazwe aphikisayo kanye lozulu weZimbabwe jikelele kudingwe isisombululo kundaba zombusazwe lezenotho ezihluphayo. Wengeze wathi inkulumo lezi kumele zikhokhelwe ngumuntu olilunga elizimeleyo ongeyamelanga kuhlangothi thize.

Umongameli Emmerson Mnangagwa uqhube inkulumo ezifanayo ngeviki edluleyo lapho ahlangane labakhokheli bamabandla atshiyeneyo ancintisane labo kukhetho lukamongameli nyakenye. Kodwa umkhokheli weMDC uMnu. Nelson Chamisa kahambanga kulumhlangano.

EleMelika lithi njalo uhulumende weZimbabwe kumele abophe wonke amasotsha lamapholisa aphatheke ekubulaweni lekuhlukuluzweni kwabantu kulandela ukutshengisela okwaqoqwa yinhlanganiso elwela amalungelo ezisebenzi eyeZimbabwe Congress of Trade Unions ngenyanga edluleyo uZibandlela.

Ukuhlaziya amazwi kahulumende weMelika uNtungamili Nkomo weStudio 7 uxoxe lengcwethi ecubungula ezombusazwe uDr. Brilliant Mhlanga.

please wait

No media source currently available

0:00 0:02:38 0:00

Facebook Forum

XS
SM
MD
LG