amalinks wokungena

Breaking News

EleMelika Lisola Ukuxotshwa kukaBiti Labanye Bakhe ePhalamende


Republican U.S. Senator Jim Risch of Idaho spoke with VOA Wednesday.

Abogatsha olubona ngobudlelwano beMelika lamanye amazwe olweState Department kanye labekomidi yedale leSenate ebona ngokufanayo sebesole ukuxotshwa kwamalunga eMDC Alliance ayisithupha edale lephalemende besithi le yingxenye yemizamo kahulumende weZanu PF yokudiliza amabandla aphikisayo.

UBiti uxotshiswe libandla lakhe lakudala elePDP ndawonye loMnu Settlement Chikwinya, William Madzimure, Sichelesile Mahlangu, Regai Tsunga, loMnu Kucaca Phulu ngeviki edluleyo.

Isikhulumeli seState Department uMnu Ned Price wethule umbiko ngoMvulo echothoza uhulumende kaMongameli Emmerson Mnangagwa njalo esithi ukuxotshwa kwabayisithupha laba akuhambelani lombuso okhululekileyo njalo kwephuma ilungelo lalabo ababavotelayo.

Umgcinisihlalo weU.S. Foreign Relations Committee uSenator Jim Risch laye wethule amazwi afanayo.

Babikwa sebengamatshumi phose amane, 39, abameli beMDC Alliance ephalamende asebexotshiswe yiMDC-T lePDP kudale leli kusukela nyakenye.

Amakhansila wona asengamatshumi ayisitshiyangalombili lanye, 81.

Ingcwethi ecubungula ezombusazwe uMnu Effie Dlela Ncube utshele umsakazo weStudio 7 ukuthi amqotho amazwi akhulunywa yiMelika.

please wait

No media source currently available

0:00 0:02:10 0:00

Kusenjalo, umqondisi obona ngokwethulwa kwemibiko kuZanu PF uMnu Tafadzwa Mugwadi uthe bayawasola kakhulu amazwi la. Uthe njalo lelilizwe kumele litshiyane lokungenela kundaba zeZimbabwe.

Facebook Forum

XS
SM
MD
LG