WASHINGTON DC —
UMongameli weSouth Africa uMnu Cyril Ramaphosa uthi ilizwe lakhe lizaqinisa iziqondiso zokwenqabela iCovid-19 kusukela namuhla ngoba umkhuhlane lo usumemetheka kakhulu.
Amakhefa lendawo zokunathela sokumele kuvalwe ngehola letshumi, 10pm ebusuku.
I-curfew, kumbe ukwalelwa kwabantu ukuhambahamba, isiqala ngo11pm ebusuku iyekuma ngo4am ekuseni.
Imibuthano esendaweni ezivalekileyo isivunyelwa ukuba labantu abalikhulu kuphela kuthi eyabe iphandle isivunyelwa ukuba labantu abangamakhulu amabili lamatshumi amahlanu.
Isiphathamandla senhlanganiso yeAfrican Diaspora Forum uDr Vusumuzi Sibanda utshele iStudio 7 ukuthi ubona kulinyathelo elihle elithethwe nguRamaphosa.