amalinks wokungena

Breaking News

EleZimbabwe Lizimisele Ukumelana Lokuguquka Komkhathi, Kutsho UMongameli Mnangagwa


Climate COP26 Summit

UMongameli Emmerson Mnangagwa wethule awakhe amazwi NgoLwesibili, emhlanganaweni ophathelane lokuguquka komkhathi owe Climate Change, owenzelwa eGlasgow, eScotland.

Ekhuluma emhlanganweni lo, owe COP26, uMnangagwa uthe yena lohulumende wakhe uzinikele ukugcwalisa iziqondiso zezivumelwano ezizalotshwa emhlanganweni walonyaka kodwa udubo nje yikuthi ilizwe lakhe libhekane lobunzima obudalwa yizijeziso zenotho athi lazetheswa ngamazwe angentshonalanga.

Uphinde wakhuthaza amazwe athuthukileyo ukuthi ancedise amazwe angabayanga lasathuthukayo kunhlelo zawo zokumelana lenhlupho ezidalwa yikuguquka komkhathi.

Umongameli Joe Biden weleMelika laye ongena umhlangano munye uthethe leli thuba ukuxolisa kunkokheli yamazwe womhlaba ngenyathelo elaselithethwe ngumongameli Donald Trump amnqobayo kukhetho olwedluleyo, elokuphuma kusivumelwano eseParis Agreement sokukhuthaza amazwe womhlaba ukuthatha amanyathelo okumelana lenhlupho ezidalwa yikuguquka komkhathi ukuze umonakalo ungabi mkhulu kakhulu.

UMongameli Biden uthe njalo amazwe asathuthukayo kumele ancediswe ngoba kulesidingeko sokuthi aphathiswe ngemali engafika amabillion edlula alikhulu- $100 billion ngomnyaka ukuze enelise ukumelana lenhlupho ezidalwa yikuguquka komkhathi. Uthi kunje ele Melika liqoqa ukusungula uhlelo lwamabillion amathathu amadollar-$3 billion ezasetshenziswa emsebenzini wokumelana lomonakalo osudalwa yikuguquka komkhathi.

Kodwa edabeni lwezijeziso zenotho zelizwe lakhe lezemazweni awenhlanganiso eye European Union, uma ngelokuthi lezi zijeso aziqondiswanga kuzulu weZimbabwe kodwa kweinye iziphathamandla zeZanu PF, ezikuhulumende kanye lamankampani labanye osomabhizimusi abadlelana lazo, emkhubeni wenkohlakalo. Uqhubeke ethi uhulumende angavele aguqule indlela abusa ngayo alondoloze ilungelo loluntu, aqhube ukhetho olubalulekileyo kanyelokulwisana lenkohlakalo izijeziso lezi zilakho ukwesulwa.

Uhulumende weZimbabwe ubeke wabika ukuthi uMnangagwa uzahlangan lenhloko kahulumende yele Bhilithani uMnu. Boris Johnson, kodwa uhulumende walelo lizwe ubikwa esethule umbikoo othi akesenelisi ukuhlangana lomkhokheli weZimbabwe.

Umhlangano opahthelane lokuhlaziya ukuguquka komkhathi oweClimate Change oqale ngempelasonto eGlasgow kwele Scotland uuphela mhla ka 12 Lwezi.

Udaba lomhlangano owokuguquka komkhathi ongenwa nguMongameli Mnangagwa
please wait

No media source currently available

0:00 0:03:50 0:00

Facebook Forum

XS
SM
MD
LG