amalinks wokungena

Breaking News

UMnangagwa Uthi uMagufuli Ubeyindoda Emadodeni


Ubala iphephandaba kulandela ukubhubha kuka Mongameli John Magufuli eDar es Salaam.

UMongameli Emmerson Mnangagwa uthi eleTanzania lilahlekelwe kakhulu yikubhubha kuka Mongameli John Pombe Magufuli, okuthiwa ukhulelwe yisifo senhliziyo.

UMnangagwa wethule lokhu enkundleni yokuxhumana eyeTwitter lapho athe umhlaba wonke jikelele lawo ulahlekelwa ngumuntu obethanda ukusebenzela uzulu.

Inkokheli yakwamanye amazwe layo yethule imibiko yokududuza umdeni kaMagufuli kanye labantu bakwele Tanzania.

UNkosikazi Samia Suluhu Hassan, umsekeli kaMagufuli, osebambe isikhundla lesi okwesikhatshana, kubikwa ebengomunye wabantu abethekelele imuli kamuyi ngoLwesine.

Kulabanye abantu kwele Zimbabwe abathi bethuswe yikubhubha kuka Magufuli.

UNkosikazi Abigail Mupambi, okunhlanganiso ye#This Constitution, uthi umhlaba wonke jikelele ulahlekelwe liqhawe.

“Kuqakathekile ukuthi sizimisele ukuthi siqhubekele phambili ngomsebenzi wona lawo kade evele ewumela ikakhulu nxa sesikhangele indaba zokuthi umsebenzi wabantu uphathwe ngendlela eqondileyo, igovernance njalo ekulwiseni icorruption eTanzania lakwamanye amazwe. Ubeyindoda emadodeni. Ngales’isikhathi sithi thina lala ngokuthula qhawe lamaqhawe lamaqhawe.”

Ingcwethi kwezombusazwe, uMnu. Mlindelwa Mancitshana, uthi uMagufuli ubengafani leyinye inkokheli kuzwekazi leAfrica.

“Silusizi ebantwini beTanzania silusizi njalo eAfrica ngokulahlekelwa ngumkhokheli, ubaba uMagufuli ngesikhathi esinzima kangaka, obenguye obesekhangelelwe ukuthi sebeqalisa impilo entsha yenkokheli yeAfrica. Impilo entsha eletha iDemocracy, umbuso okhululekileyo, konke lokhu sokutshabalele.

Ummeli wakwele Tanzania kwele Zimbabwe, uProfessor Emmanuel David Mwaluko Mbennah, uthi balahlekelwe kakhulu.

UMbennah uthi akaboni kusiba lenguquko kulokho akade kulandelwa lilizwe lakho lakade bekholelwa kikho kakhulukazi kundaba zenhlelo eziphathelane lobhubhane lweCOVID-19.

UMnangagwa Ukhalela Abantu Bakwele Tanzania Kulandela Ukubhubha Kuka Magufuli
please wait

No media source currently available

0:00 0:03:23 0:00


Facebook Forum

XS
SM
MD
LG