amalinks wokungena

Breaking News

Amapholisa Athwalisa Nzima Abathengisa Impahla eHarare


FILE: Amapholisa ekhansili yeHarare adonsana lomunye wabathenga bethengisa impahla emigwaqweni eHarare.
FILE: Amapholisa ekhansili yeHarare adonsana lomunye wabathenga bethengisa impahla emigwaqweni eHarare.

Amapholisa ngoLwesine agijimisane labathenga bethengisa impahla emigwaqweni eHarare kwacina kujikijelwana ngamatshe langentuthu ehitshayo eye teargas.

Ukuxokozela lokufuthelana phakathi kwabaphila ngokuthengisa lamapholisa lokhu kubikwa kucine kubangela ukuthi amapholisa ajike intuthu ephandlayo okusabalalise abantu bagcwala indawo yonke.

Umzali obesiyahlangabeza umntanakhe kuForth Street ubezonde okwamagama esithi akudingwe ezinye indlela zokukhipha abaphila ngokuthengisa endaweni abangamelanga babe kizo kulokuphosela intuthu ephandlayo ebantwini.

Lokhu kusekelwe nguNkosazana Theresa Nkomo othe kuyamangalisa ukuthi amapholisa lokhu ethanda ukuhitshisa abantu ngentuthu ehitshayo njengalokhu okwekusenziwa nguhulumende kaMnu. Robert Mugabe.

Imizamo yokuthi sikhulume lesikhulumeli samapholisa yehlule kodwa amapholise esikhulume lawo ale ukutsho amabizo abo aveze ukuba umsebenzi wabo usunzima ngoba abantu kabafuni ukusuka emigwaqweni zedolobho leHarare.

Kulonye udaba, isigodlo seMelika namhlanje sibe lemfundiso kuntatheli zindaba ekade ijonge ukuqeda udubo lwendaba zamanga ezisazakala ngokuthi yi-‘fake news’.

Intathelizindaba ezifunde ngaloludaba ziveze injabulo enkulu zisithi zizazama ngendlela zonke ukwengenza ithemba uzulu alalo kuzo ekwethulweni kwemibiko lezindaba ezimqotho.

Udaba Esilethulelwe NguGibson Bhebhe
please wait

No media source currently available

0:00 0:03:43 0:00

XS
SM
MD
LG