amalinks wokungena

Breaking News

Emmerson Mnangagwa: Sifisa Ukuthi Kungabi Lodlakela Kukhetho Oluzayo


UMongameli Emmerson Mnangagwa ukhuluma lentathelizindaba eHarare ngeSonto.

UMongameli Emmerson Mnangagwa uthi umuyi eMorgan Tsvangirai wayeyindoda owayefisa ukuthi ilizwe leZimbabwe likhululeke okugcweleyo.

Ekhuluma ngeSonto ntambama emzini kamuyi eHighlands edolobheni leHarare, uMnangagwa uthe kungeke kwakhulunywa ngembali yeZimbabwe kungaqanjwanga igama likaTsvangirai.

Uthe uTsvangirai ubeyindoda emadodeni.

“Silahlekelwe yindoda ebifuna ukuthi kube lokukhululeka okugcweleyo kwele Zimbabwe. Nxa kukhulunywa ngembali yeZimbabwe, lo ngumuntu ongeke wamtshiya phandle kwayo. Ngokhetho oluzayo ngicela amabandla wonke akwele Zimbabwe engenzi udlakela ngesikhathi sokhetho. Sifuna kubelokhetho olukhululekileyo njalo oluzaba labantu abazavota inhliziyo zabo zikhululekile.”

UMnangagwa, owasusa uMnu. Robert Mugabe esikhundleni sikamongameli encediswa libutho leZimbabwe Defence Forces nyakenye ngoLwezi, uzancintisa kukhetho lukamongameli oluzayo emele ibandla leZan PF.

Akwaziwa ukuthi ngubani ozamela ibandla leMovement for Democratic Change ebikhokhelwa ngumuyi uTsvangirai ngoba akade bengabasekeli bakhe ababalisa uMnu. Nelson Chamisa, uMnu. Elias Mudzuri loNkosazana Thokozani Khupe balwela isikhundla sakhe.

Okwamanje uChamisa wakhethwa lidale leNational Council yeMDC-T ukuthi abambe isikhundla lesi okomnyaka kuze kwenziwe umhlangano omkhulu webandla leli oweCongress.

Kodwa-ke abaphikisana laye batshaya phansi besithi inkomo ingazala umuntu ukuthi uChamisa abengumongameli webandla leMDC-T.

Facebook Forum

XS
SM
MD
LG