amalinks wokungena

Breaking News

UMnangagwa Uthi Bakhululeke Kakhulu Abantu Kwele Zimbabwe


UMongameli Emmerson Mnangagwa
UMongameli Emmerson Mnangagwa

UMongameli Emmerson Mnangagwa uthi abantu kwele Zimbabwe bakhululeke kakhulu ngoba uhulumende ulandela isisekelo sombuso welizwe njalo uyahlonipha ilungelo loluntu.

UMnangagwa, ongahambanga lonyaka eNew York emhlanganweni weUnited Nations General Assembly ngenxa yokumemetheka komkhuhlane weCOVID-19, wethule umbiko lo ngoLwesine kumabonakude.

Uncome umsebenzi owenziwa zinhlanganiso ezizimeleyo, amankampani labanye abasebenza kahle ukwenzela ukuba kube lengqubekela phambili hatshi ukudonselana phakathi kwebandla elibusayo laphikisayo. Uphinde njalo wachothoza izijeziso zenotho ezafakelwa inkokheli yebandla leZanu PF ngamazwe entshonalanga.

Uthe kulesethekeli esiqakathekileyo esikunhlanganiso yeUnited Nations esikhangelelwe ukuba sizakwethekelela eleZimbabwe ukuyahlolisisa umona odalwa yizijeziso zenotho.

Kulabantu abanengi abathi uhulumende kaMnangagwa wephula amalungelo kazulu njalo wehluleka ukuqhuba ukhetho olubalulekileyo.

UMnu. Den Moyo, odabuka eZimbabwe ohlala kwele Melika, uthi kuyamangalisa okwethulwe nguMnangagwa, owehluleke ukukhuluma ngelungelo lokuvota lezizalwane zeZimbabwe ezihlala kwamanye amazwe.

XS
SM
MD
LG