amalinks wokungena

Breaking News

UMnangagwa Ulungiselela Ukwethula Umbiko Oqakathekileyo Emhlanganweni weUnited Nations General Assembly


FILE: UMongameli Emmerson Mnangagwa esethula umbikooqakathekileyo oweUnited Nations General Assembly.

UMongameli Emmerson Mnangagwa ukhangelelwe ukuba uzakwethula umbiko wakhe oqakathekileyo ngoLwesine emhlanganweni oweUnited Nations General Assembly lapho alakho ukukhuluma ngesijeziso zenotho ezafakelwa inkokheli yebabandla leZanu PF ngamazwe entshonalanga, uhlelo lokuhlaba uzulu ijekiseni yokuzivikela kumkhuhlane weCOVID-19 lokunye.

UMnangagwa ngomunye wabazakwethula imbiko yabo esebenzisa inkundla zokuxhumana ngenxa yokuthi kahambanga esigodlweni senhlanganiso yeUnited Nations eNew York kwele Melika kulandela ukuqhamuka komkhuhlane weCOVID-19.

Abacubungula ezombusazwe bathi ukhangelelwe ukuba uzakhuluma kabanzi ngezijeziso zenotho ezafakelwa inkokheli yebandla lakhe, ukuthuthuka komnotho eZimbabwe, uhlelo lokuhlaba abantu ijekiseni yokuzivikela kumkhuhlane weCOVID-19 lokulondoloza ezemvelo ngesikhathi umhlaba wonke jikelele ukhala ngokukhudumala komkhathi okubizwa ngesilungu ngokuthi yi-global warming.

Banengi abakubandla leZanu PF abathakazelela ukuba uMnangagwa uzakhuluma akufisayo emhlanganweni lo. Omunye wabo nguMnu. Joseph Tshuma, okubandla leZanu PF.

Kodwa uMnu. Nkululeko Sibanda, isikhulumeli sikaMnu. Nelson Chamisa, uthi akumelanga uMnangagwa anikwe ithuba lokukhuluma emhlanganweni lo.

Ingcwethi kwezombusazwe, uMnu. Effie Dlela Ncube, uthi uMnagagwa uzacela uncedo olunengi esethula umbiko wakhe.

Uthi kumele uMnangagwa adinge uncedo lokwenza eleZimbabwe liphathe ngemfanelo ezokhetho.

Inkokheli yomhlaba wonke jikelele ithola ithuba iminyaka yonke ukwethula okubhekane lamazwe atshiyeneyo njalo lokumele kwenziwe emhlabeni wonke jikelele.

Udaba Esilethulelwe NguGibbs Dube
please wait

No media source currently available

0:00 0:03:59 0:00


Facebook Forum

XS
SM
MD
LG