amalinks wokungena

Breaking News

EU: Akuguqulwe Indlela Abezomvikela Abasebenza Ngayo


Umanyano weEuropen Union ithi uhulumende weZimbabwe kumele aguqule indlela aqhuba ngayo ukhetho kanye lendlela abezomvikela abasebenza ngayo.

I-EU yethule inkuthazo le ngoLwesithathu ngesikhathi isazisa ukuthi isibeke eceleni izijeziso eyazethesa amalunga eZanu PF lamankampani alobudlelwano lalelibandla.

Kodwa ithi izijeziso eyazifakela uMongameli Robert Mugabe loNkosikazi wakhe uGrace lenkampani yeZimbabwe Defence Industries zizaqhubeka zikhona.

Izijeziso zokuvimba amazwe alumanyano ukuthengisela eleZimbabwe izikhali zempi lazo zizaqhubeka zikhona okwamanje.

I-EU ithi izijeziso lezi zizasuswa ngoLwezi nxa uhulumende ethe waguqula izinto ngendlela esuthisayo, okugoqela ukuvumela imisakazo ezimeleyo, ukupha uzulu uluhlu lweVoters Roll lokuguqula indlela abezomvikela abasebenza ngayo.

Ibandla leZanu PF lona lithi lifuna izijeziso lezi zesulwe zonke njalo selike latsho kanengi ngaphambilini ukuthi alisoze lilalele inkuthazo yokuguqulwa kogatsha lwabezomvikela.
XS
SM
MD
LG