amalinks wokungena

Breaking News

EU: Singeke Sesule Izijeziso Zenotho eZimbabwe Ngenxa Yesimo Esibi Kwezombusazwe


Abomanyano wamazwe akuzwekazi leEurope owe European Union (EU) bathi isikhalazo samazwe ezwekazi leAfrica lenhlanganiso ezitshiyeneyo esokuthi kwesulwe izijeziso zenotho ezetheswa inengi lamalunga ebandla leZanu PF ezikuhulumende weZimbabwe, singeke samukelwa okwamanje ngoba akulanguquko kwezombusazwe lezokulondolozwa kwamalungelo oluntu.

Umanyano wamazwe la uthi bazakhangelisisa kutsha umumo oseZimbabwe ekuqaleni komnyaka ozayo bengakathathi isinqumo esitsha sokuthi besule izijeziso lezo kumbe bazengezelele.

Ingcwethu kwezomnotho lezomthetho eyisizalwane seZimbabwe esihlala eBhilithane, uMnu. Loyd Msipa, uthi izijeziso zomnotho sezibulele ilizwe.

Kpdwa uNkosazana Florence Nkomo, olwela amalungelo oluntu esedolobheni leLeeds, kavumelani loMsipa.

"Ama sanctions akusiyiwo abulalabantu, akusiyiwo athumela amapholisa abulale izakhamizi babulale abantu aba demonstrator bebonisa ukungaphatheki kwabo ngendlela igovernment yeZANU PF ephethe ngakhona abantu. IGovernment yeZimbabwe ingatsheleli abantu eceleni, ibarobhe ibatshelukuthi liyahlupheka, liyalamba, akulamsebenzi ngenxa yama sanctions, no bona yidlela abaphethe ngayo abantu beZimbabwe okwenzukuthi ama sactions ahlale elokhu ekhona."

UMnu Msipa uthi uhulumende weZimbabwe ngeke asuswe embusweni yizijeziso zomnotho.

Kulabanye abathi izijeziso zomnotho kaziyekelwe ziqhubeka uhulumende osembusweni okwamanje aze asuke.

Laba ngagoqela uMnu. Phillip Sibanda, isizalwane seZimbabwe esesihlala eBhilithani.

“Ama sanctions akumelanga akhutshwe nxa lingalandeli ama reforms okumele liwenze. Nxa litsheliwe ukuthi khona hamba uyelungisisa imota yakho endaweni enje, imota yakho ifeyile iroad test hamb’efaka ama tyre amatsha hamb’efaka lokhu yikho omele ukwenze. So nxa kuthwa khuphanini ama sanctions, ama sanctions aweZimbabwe awafakwa kuZimbabwean Government … Ama sanctions eZimbabwe afakelwa ama individuals, abantu kulamabizo abantu abafakwa ama sanctions singatshelani amanga ukuthi kuthiwa khona eZimbabwe kulama sanctions, akula masanctions eZimbabwe."

uMnu. Thamsanqa Zhou, ingcwethi ecubungula ezombusazwe, ngobunye wabathi izijeziso lezi sezibhidlize eleZimbabwe.

"Akusela zibhedlela ngenxa yama sanctions. Izikolo akusela, imfundo leyana esasiyazi kudala ngenxa yama sanctions. Nxa ulesihlobo sakho esasuka ekhaya ngama 1990s ungasitshela lamhlanje ukuthi akusela NRZ leyana esasiyazi kumbe akusela CSC koNtuthu ziyathunqa. KoBulawayo sasisithi kukoNtuthu ziyathunqa namhlanje akusela ntuthu ethunqayo konke lokhu kungenxa yama sanctions."

UZhou uqhubeke esithi kungaze kufakwe bani ukuthi akhokhele eleZimbabwe nxa izijeziso zomnotho zingesulwanga akungeke kulunge lutho.

"Ungaze uthathe oObama abalitshumi labo Merkel labo bani ubalethe eZimbabwe, abasoze benze lutho as long as iZimbabwe ilama sanctions. So, lokhu yikuyengana ukuthi abantu bethi kungatshintsha uhulumende izinto zizalunga. Akulalutho oluzalunga eZimbabwe as long as ilizwe iunder ama sanctions."

Uhulumende weBhilithane utshele iStudio 7 ukuthi uzacwayisisa kutsha udaba lweZimbabwe afake lemithetho emitsha ngemva kokuxexebuka kwalelo lizwe kumanyano oweEuropean Union phansi kohlelo lweBrexit.

IBhilithane ikhangelelwe ukuphuma kulumanyano ekupheleni kwayonale inyanga.

Udaba Esilethulelwe NguEzra Sibanda
please wait

No media source currently available

0:00 0:03:55 0:00


Facebook Forum

XS
SM
MD
LG