amalinks wokungena

Breaking News

EzeMelika: Iyaqhubeka Imizamo Yokususa uMongameli Trump Embusweni


President Donald Trump speaks with reporters before boarding Air Force One Jan. 12, 2021, at Andrews Air Force Base, Maryland, to travel to Texas.

Imizamo yokususa uMongameli weMelika uMnu Donald Trump embusweni iya phambili lanxa nje sokusele iviki kuphela ukuthi umbuso wakhe ufike emaphethelweni.

Amalunga ephalamende abe khangelelwe ukuhlangana ngoLwesibili evota phezu kodaba lokuthi uTrump akhutshwe embusweni kusetshenziswa umugqa wesisekelo sombuso welizwe owe25th Ammendment.

Kodwa loluhlelo lukhanya lulakho ukungaphumeleli ngoba umsekeli kaTrump, uMnu Mike Pence, onguye omele akhokhele loluhlelo kanye lamalunga awedale leSenate bekhanya bengafuni.

Ngokunjalo, ibandla lamaDemocrats lithi lizasungula uhlelo lokumxotsha ngohlelo lwe-impeachment, limethesa icala lokutshotshozela udlakela olwenziwe ngabasekeli bakhe edale leCongress, eCa[itol Hill ngeviki edluleyo bezama ukwenqabela lelidale ukuthi lamukele ukukhethwa kukaMnu Joe Biden njengoMongameli omutsha.

Lungaphumelela uhlelo lwe-impeachment lolu, uTrump uzakuba nguMongameli wakuqala weMelia ukuthi etheswe lelicala kabili.

Isizalwane seZimbabwe esihlala eMelika uMnu Raphael Mthombeni utshele iStudio 7 ukuthi ubona ukukhutshwa kukaTrump embusweni kufanele ngoba enze ihlazo ngokutshotshozela udlakela.

please wait

No media source currently available

0:00 0:02:05 0:00

Yena uTrump ucine khipha umbiko wokusola loludlakela. NgoLwesibili uthe ekhuluma lentathelizindaba okwakuqala ngemva kwesikhathi eside, lapho egada indizamtshina yakhe elubhekise esigabeni eseTexas, uthe akazange atshotshozele loludlakela njalo akaboni kunceda ngalutho ukuthi abebandla lamaDemocrats basungule uhlelo lweImpeachment khathesi.

Facebook Forum

XS
SM
MD
LG