amalinks wokungena

Breaking News

EzeMelika: Ulokhe Eliphethe Esidukwini Ibandla lamaRepublicans uTrump


Presiden Trump dan istrinya, Melania Trump, tiba di Florida.

Lanxa uMnu Donald Trump ephume embusweni ngemva kokunqotshwa nguMongameli Joe Biden, ukhanya elokhe elosekelo lweziphathamandla zebandla lakhe lamaRepublicans.

Lokhu kuvele sobala ngeviki edluleyo lapho amalunga alelibandla kudale leSenate avote khona ephikisa ukuthi uTrump athonisiswe ngecala lokutshotshozela umvukela.

Phakathi kwamalunga angamatshumi amahlanu, amahlanu kuphela yiwo avote esekela ibandla lamaDemocrats ekuthini uTrump kumele athonisiswe.

Ngemva kodlakela olwadalwa ngabasekeli bakaTrump ephalamende, abakhokheli bebandla lamaRepublicans kudale leli bamchothoza kakhulu besithi nguye owayephehle loludlakela.

Kodwa akudlulanga nsuku zatshwala basebehlabela ingoma ehlukileyo.

Intathelizindaba uMnu Simbarashe Nembaware utshele iStudio 7 ukuthi amaRepublicans alokhe esima loTrump ngoba asalundinga uxhaso lwakhe kuyiwa kunketho eziphambili.

please wait

No media source currently available

0:00 0:02:27 0:00

Facebook Forum

XS
SM
MD
LG