amalinks wokungena

Breaking News

Ezinye Izakhamizi Zemaphandleni Zithi Zithole Isivuno Esithe Xaxa Lonyaka


Owesifazana Uvuna Emasimini

Izakhamizi zeGwanda South zithi zithole isivuno esithe xaxa nxa siqathaniswa leseminyakeni edluleyo, ngenxa yokuna kwezulu elinengi, kodwa lanxa kunjalo ubukhokheli besigaba buthi uncedo lokudla lusadingeka ngoba kungayisibo bonke abalesivuno esihle

Izakhamizi zeGwanda South zithi zithole isivuno esithe xaxa nxa siqathaniswa leseminyakeni edluleyo, ngenxa yokuna kwezulu elinengi, kodwa lanxa kunjalo ubukhokheli besigaba buthi uncedo lokudla lusadingeka ngoba kungayisibo bonke abalesivuno esihle

Isabelo seZansi yemaNdebeleni sesileminyaka singatholi izulu eleneleyo okudala ukuthi izakhamizi lezifuyo zihlaselwe yindlala enkulu.

Kodwa uNkosikazi Sitholakele Ndlovu oweTakaliyawa eGwanda South uthi lonyaka isivuno sibenganeno kulaseminyakeni edlulileyo ngoba bebezinikele ukulima kulandela ukuna kuhle kwezulu.

Amazwi akhe asekelwe nguNkosikazi Pretty Mnguni isakhamuzi seMagaya Village laye ogcizelela ukuthi uthole isivuno esihle njalo ukhangelele ukuthi sizaphutsha umnyaka.

UMnu. Ephraim Nyathi ukhansila kaWard 17 eFumukwe uthi ukuvalwa kwelizwe okweLockdown ngesinye sezizatho esidale ukuthi kube lesivuno esihle ngoba inengi labobaba belihleli emakhaya indawo zokukwejisa zivaliwe.

Lanxa inengi lijabulele isivuno esihle uSobhuku weMagaya Village uMnu. Keaboka Magaya uthi bakhona abasaludinga uncedo lokudla ngoba bengavuna lutho.

Okwamanje uhulumende usamise okwesikhatshana uhlelo lokuphathisa abahlala emaphandleni ngokudla ukuze ahlolisise labo okufanele bakuthole.

Kusenjalo kolunye udaba zisele zimadolo nzima izimbamgodi endaweni yeWest Nicholson emgodini weMix Note kulandela ukufa kwabasakhulayo ababili ngemva kokudilikelwa ngumgodi.

Inengi labasakhulayo kulesi isabelo lemba igolide ukuze liziphilise osekudale ukuthi lizifake engozini ngoba kwezinye indawo kugejwa kungalandelwa indlela zokuzivikela engozini yemigodi.

please wait
Embed

No media source currently available

0:00 0:03:19 0:00


Facebook Forum

XS
SM
MD
LG