amalinks wokungena

Breaking News

Ezinye iziphathamandla zeHarare Council Lokhu Zihola $40 000 Ngenyanga.


Iziphathamandla zikamanisipala wedolobho leHarare zibikwa lokhu zithola iholo elinengi okumangalisayo lanxa loludaba lwaphathwa ngamakhansila lomeya.

Ezinye iziphathamandla zekhansili yalelidolobho zihola amadola azinkulungwane ezingamatshumi amane, $40 000 ngenyanga.

Lokhu kukhulunywe ngusibalukhulu walelidolobho, uMnu. Tendai Mahachi lapho emiswe phambi kwekhomidi yedale lephalamende elibona ngokusebenza kwamakhansili ngoLwesibili.

Inkokheli yekhansili yalelidolobho ebalisa abantu abalitshumi lanhlanu, ihola ingxenye yesigidi, $500 000 kodwa izisebenzi mathupha zithola ingcosana nje kuphela kuthi eminye imisebenzi efana lokubutha izibi kayiphathwa ngokusilela kwemali.

UMahachi, owake wamiswa umsebenzi ngokungafuni ukwethula uluhlu lwemali etholwa yiziphathamandla, utshele likhomidi ukuthi belokhu bethola iholo elifanayo ngoba akukavunyelwana ukuthi bathole malini.

Sixoxe lomunye wamakhanisila walelidolobho, uMnu. Peter Moyo ukuze sizwe okunengi ngaloludaba.

please wait

No media source currently available

0:00 0:04:40 0:00
Lapho esitholakala khona
XS
SM
MD
LG