amalinks wokungena

Breaking News

Fewsnet: Abalimi Balakho Ukuthola Isivuno Esingcono Lonyaka


Linhlanganiso ithi amabele kwezinye indawo zelizwe asekhahlele njalo atshengisa ukuthi angavuthwa kahle nxa izulu lingaqhubeka lisina kuhle.

Inhlanganiso ebona ngezokudla lamabele iFamine Early Warning Systems Network (Fewsnet), ithi abalimi be Zimbabwe balakho ukuthola isivuno esingcono lonyaka loba amabele esetotile kwezinye indawo amanye njalo aswela imvundiso ye fertilizer.

IFewsnet ithi okwamanje amabele kwezinye indawo zelizwe asekhahlele njalo atshengisa ukuthi angavuthwa kahle nxa izulu lingaqhubeka lisina kuze kuyefika ekupheleni kwenyanga ezayo kaMbimbitho.

Ithi ezinye izabelo sezithole izulu eledlula ebelikhangelelwe loba nje kulezinye indawo elingani khona ngemfanelo.

IFewsnet ithi isivuno salonyaka silakho ukuphungulwa yikuswelakala kwemvundiso ye Ammoninum Nitrate kanye lemihogoyi yeArmyworm ehlasele emasimini ezabelweni ezibalisa eMashonaland Central, Mashonaland West, Manicaland, Midlands le Matabeleland North.

Iphinde yathi intengo yempuphu ikhangelelwe ukukhuphuka kancane ngesikhatshana esilandelayo ngoba umumbu ususilela endaweni ezinengi zelizwe.

Umnu. Everson Ndlovu ingcwethi kwezokuthuthukisa inotho kazulu uthe kuliqiniso okwethulwa yiFewsnet loba nje isimo samabele sikhanya sesisibi kakhulu ezabelweni zeMaNdebeleni
XS
SM
MD
LG