amalinks wokungena

Breaking News

FAO: EleZimbabwe Lilakho Ukuhlaselwa Zintethe Ezizathanyela Izilimo Lamadlelo Ezifuyo Lonyaka


Locust

Inhlanganiso yeFood and Agriculture Organization (FAO) ithi kulengozi yokuthi eleZimbabwe lilakho ukuhlaselwa zintethe lonyaka ezizakudla ziqede izilimo zitshiye izigidi zabantu zisendlaleni njalo zithanyele lamadlelo ezifuyo.

Amanye amazwe alakho ukuhlangana lodubo lolu abalisa eleBotswana, eleZambia kanye leleNamibia.

Kumbiko esanda kuwethula inhlanganiso le ixwayise ohulumende bamazwe la ukuthi balungiselele ukulwisana laloludubo.

Umbiko lo uza ngesikhathi izanusi zomkhathi zisithi kulezulu elaneleyo lonyaka. Uza njalo ngesikhathi izigidi zabantu eZimbabwe zihlaselwe yindlala.

Ukhansila weDete uMnu Stanley Torima utshele iStudio 7 ukuthi inkulungwane zabantu esigabeni sakhe zidinga usizo lokudla ngoba okuphiwa abantu nguhulumende phansi kohlelo lweSocial Welfare kuphiwa abalutshwana.

please wait

No media source currently available

0:00 0:02:22 0:00

Facebook Forum

XS
SM
MD
LG