UFather Fidelis Mukonori, ongomunye wabalamlankunzi kunkulumo ezokuthi owayengumongameli, uMnu. Robert Mugabe asuke esihlalweni uthi uNkosikazi Grace Mugabe laye wayekhona kulezinkulumo ebuzisiswa ngenkulumo yakhe.
Unkosikazi Mugabe wabhodabhoda ngezigaba zelizwe lonke elomkakhe, uMongameli Mugabe lapho ayethuka khona inkokheli yebutho esithi nxa ifuna ukumbulala kayesabi.
Ekhuluma le Studio Seven uMukonori uthi inkokheli yebutho yacunulwa ngamazwi kankosikazi Mugabe.
UMukonori uthi wabuza uNkosikazi Mugabe ukuthi imbiko yokuthi abasekeli bakhe babefuna ukubulala umongameli mnangagwa kodwa walundula limbiko.
UMkonori uthi ibutho labuzisa uNkosikazi Mugabe ngembiko eyethulwa ngumgcinisihlalo wohlangothi lwabasakhulayo, uMnu. Kudzanayi Chipanga, owathi bazalwisa amasotsha nxa engafuna ukususa umongameli Mugabe esihlalweni.