amalinks wokungena

Breaking News

Iqembu leWarriors Selikhuphuke Kungalane yeFIFA World Rankings


FILE: Zimbabwe Warriors
FILE: Zimbabwe Warriors

Iqembu leWarriors selikhuphuke okumangalisayo kungalane yenhlanganiso yenguqu eyeFIFA World Rankings.

Inhlanganiso yeZimbabwe Football Association ibika ukuthi iqembu leli likhuphuke lisuka esigabeni sokulikhulu letshumi lanhlanu – 115 points – layafika phose ikhulu – 101 points.

IZIFA, ebike lokhu ebulenjini beInternet kukhasi layo le ZIFA website, ithi iqembu leli liphose langena kusigaba sokulikhulu lapho okulabomaqhuzu bezomdlalo wenguqu.

“Kuyajabulisa ukukhuphuka kweqembu leli eliphose langena kusigaba sekhulu – 100 points. Lokhu kutshengisa ukuthi senzakahle kwezemidlalo.”

Iqembu leZimbabwe selidlale imidlalo eminengi phakathi kwamaviki ayisithupha okugoqela umcintiswano we Africa Cup of Nations lowe COSAFA Castle Cup.

Iqembu leli selidlale imidlalo emihlanu kumncintiswano weCOSAFA Castle Cup lenelisa ukunqoba kane owodwa kwaba ngutshiki lobhanqa.

Imidlalo yeCOSAFA Castle Cup ikhangelwa yiFIFA njengemidlalo yokuzilibazisa kodwa-ke iqembu leWarriors liyenelise ukuthola imiklomelo yokukhuphuka kungalane ye FIFA Rankings ngokunqoba eliyingxenye yenhlanganiso ye-Confederation of African Football loba kudlalwe umdlalo wobungane.

Umdlalo weLiberia leWarriors owawuyilokho okuthiwa yi-‘confederation-level qualifier’ wenza ukuthi ele Zimbabwe lithole imiklomelo eyedlula okubili - 2.5 points.

Iqembu leZimbabwe likhangelelwe ukuthi lizangqikilana leNamibia kumdlalo weAfrican Nations Cup liqeda ukudlala leZambia.

XS
SM
MD
LG