amalinks wokungena

Breaking News

GALZ: Sifuna Uhulumende Asincedise Kwezempilakahle


Hiv-self test kit
Hiv-self test kit

Abantu laba bathi sebezihlaba amajekiseni okuqondisa ubulili babo bethola limithi kweleSouth Africa.

Abantu abaphila lobulili obufanayo ama Gays and Lesbians, asecele uhulumende ukuthi abancede ngokuthola usizo kwezempilakahle oluhambelana lemizimba yabo njengalokho okwenzakala kweleSouth Africa.

Abantu laba bathi sebezihlaba amajekiseni okuqondisa ubulili babo bethola limithi kweleSouth Africa.

Omunye walabo abathatha ijekiseni yokuqondisa ubulili bakhe uMnu. Sam Ndlovu uthi ngempela uyazihlaba maviki wonke ngejekiseni ayithenga eSouth Africa.

“Ngithatha umuthi oqondisa ubulili bami ngizihlaba kanye ngeviki, uthiwa yi testosterone.”

UMnu. Ndlovu, uchaze ukuba ngemva kwesikhathi umuthi lo, ulakho ukuphazamisa ezinye izitho zomzimba uma uwathatha ungelaziqondiso zikadokotela.

“Umuthi lo ulakho ukuphazamisa ezinye izitho zomzimba uma ungawuthathi kahle njalo ungekho ngaphansi kokuhlolwa ngudokotela. Uhulumende weSA uyancedisa abantu abanjengami, mina ngiyazithengela imithi engihlalela okwenyanga ezintathu ngamadola angamatshumi ayisifica minwe mibili.”

Obona ngokuqhutshwa kwenhlelo kunhlanganiso ebona ngamalungelo alaba bantu eyeGays and Lesbians Association of Zimbabwe uNkosazana Nhlanhla Moyo uthi kuludubo ngempela ukuba amalunga abo abanjwa ngamandla ukuthenga imithi le eSouth Afica.

“Siyasikuzwe ukuthi bakhona abanye bethu abathatha limithi kodwa kuleli ayikatholakali njalo bayithenga eSouth Africa.”

UMongikazi, uNkosikazi Christian Baloyi, uchaza ukusebenza kwemithi eqondisa ubulili.

“Sikhangelele ukuba uhulumende atholise imithi kuyewonke umuntu ngokulinanayo njalo obandlululo olukhona kubantu abakhubazeke ngobulili buphele.”

EZimbabwe abantu abaphila lobulili bayabandlululwa yisisekelo sombuso esitsha okucina kugoqela zonke inhlelo eziselizweni ikakhulu kwezempilakahle. Kungakho sebekhalaza kuhulumende ukuba bathole imithi abayidingayo njengabanye abantu abalemikhuhlane ehlukeneyo elizweni ebalisa owetshukela igcikwane lengculaza leminye imikhuhlane.

please wait

No media source currently available

0:00 0:04:41 0:00

XS
SM
MD
LG