amalinks wokungena

Breaking News

Zimpapers: Usephendukile eZimbabwe uChiwenga Obeselatshwa Kwele China


FILE PHOTO: Vice-President Constantino Chiwenga speaks in Harare, Zimbabwe, Feb. 28, 2018.

Umsekeli kamongameli, uRetired General Constantino Chiwenga, usephendukile eZimbabwe kulandela ukwelatshwa kwakhe kwele China athwalelwa khona ngoNtulikazi lonyaka egula okumangalisayo.

Inkampani yezindaba eyeZimpapers Images, engaphansi kweye Zimbabwe Newspapers Group esekela uhulumende obusayo, ithi uChiwenga uphenduke eZimbabwe empondozankomo namuhla ethwelwe yindizamtshina yakwele China.

Kubikwa ukuthi uhlangabezwe emagcekeni endizamtshina eRobert Gabriel Mugabe International Airport ngumnewabo uOnisimo, indodana yakhe uTawanda loMnu. Zhao Baogang, umsekeli womele ilizwe leChina eZimbabwe.

Asenelisanga ukukhuluma ngodaba lolu lohulumende kaMongameli Emmerson Mnangagwa yena okubikwa ukuthi usemhlanganweni kwele Dubai.

UChiwenga wathwalelwe kwele China egula okwethusayo waya kwelatshwa kulelolizwe ngodokotela abadabuka kwele India, China, Zimbabwe lakwele South Africa.

Akwaziwa ukuthi uhlutshwa yini loba kulemibiko ethi kukhanya engani wafakelwa itshefu ngesikhathi ibutho lizama ukususa owayengumongameli, uRobert Mugabe, esikhundleni ngomnyaka ka2017

Facebook Forum

XS
SM
MD
LG