amalinks wokungena

Breaking News

Woza Friday: Uvevezela Kamnandi Ngomculo weJazz Fusion uGugue


Gugulethu Sibanda

Kuhlelo Woza Friday liviki, silomculi osacathulayo uGugulethu Sibanda owazakala ngelokuthi Gugue, yena ke ucula umdumo weJazz Fusion ekoBulawayo.

UGugue wazalelwa wakhulela koNtuthuziyathunqa ecula esontweni lasesikolweni okwakujabulisa abantu abanengi.

"Ngafunda eGampu primary school, ngasengisiyofunda eMpopoma High School. Ngadlulela phambili ngayoyenza iCIS eFoundation Business School. Ezomculo ngakhula vele ngizijabulela ngangicula enkonzweni kodwa kwakungasonto engicabangela ukuthi mgingayenza njengomsebenzi. Umyeni wami wangikhuthaza wathi ubona angathi ngingakwanisa ukuthi ngiyenze umculo njengomsebenzi."

Ekukhuleni kwakhe uMaDawu wayecula ingoma zokholo wabuya wangena kumdumo wakulezinsuku wabasakhulayo oweHouse kodwa wabuya waguqula umculo wakhe njalo waya kuJazz.

"Engaqala ngawo kwakungawe deep house, Wenza ntoni lezinye nje ezimbalwa. Ngasengiqhubekela phambili ke ngabonukuthi mina ngijabulela umculo we Jazz yikho lapha engathi kangikhiphe iSingle engiyikhiphe ngo November ethwa ‘Falling in love’ eye Jazz fusion yilo igama lomculo wami ukuthi yiJazz ehlanganiswe lamanye ama genre nje engiwajabulelayo."

UGugue upheka umculo wakhe labaculi abatshiyeneyo ukuze akhiphe indlikizane zengoma lezi.

"Mina ngakhula ngingumuntu othanda ukulalela imhlobo etshiyeneyo nje eyomculo. Ngakho ke akekho umuntu oyedwa ongi inspireyo banengi kakhulu angekeqambe oyedwa. Kodwa ekusebenzeni kwami ngilokubiza abantu abatshiyeneyo nje,nxs ngisizwa umuthu otshaya isigincingendlela engijabulisayo ngiyamcela ukuthi azongisiza kuproject yami. Nxa ngisizwa mhlawumbe umuntu ocula ngendlela engijabulisayo ngimcele ukuthi kazongijoina laye."

Njengabaculi abanengi kulezinsuku, uGugu akasenelisi ukuba lemcimbi lapho aculela abantu bebuthene ndawonhye ngenxa yokuqhamuka kwegcikwane leCovid19, eZimbabwe lasemhlabeni jikelele. Yena ukhuthaza uzulu ukuthi azigcine kuhle ngoba umkhuhlane lo, ukhona njalo uyabulala.

"Kumele sizwisise, sihlale emakhaya nxa kungadingakali ukuthi siphume, sigqoke amamask, sigeze izandla senze zonke nje izinto zokuthi sizivikele kiwo lomkhuhlane. Ngicela njalo ukuthi baqhubekele phambili besisekela thina njengabaculi, bengawuthola umculo wethu kuma social Media platforms atshiyeneyo. Mina ngile Facebook page yami ethwa Gugue ngiyabonga.

Balutshwana abesifazane abacula umdumo we Jazz, uGugue uthi phakathi sengikhona lami lanxa ngingowesifazana. Nguye ebesilaye kuhlelo Woza Friday ngomdumo wakhe owe Jazz Fusion.

Facebook Forum

XS
SM
MD
LG