amalinks wokungena

Breaking News

Amagqwetha Aphathisa Abangelancwadi Zokuzalwa


UMnu. Tineyi Mukwewa, umqoqi wenhlelo kunhlanganiso yamagqwetha eye Abammeli Human Rights Lawyers Network.
UMnu. Tineyi Mukwewa, umqoqi wenhlelo kunhlanganiso yamagqwetha eye Abammeli Human Rights Lawyers Network.

Inhlanganiso yeAbammeli Lawyers For Human Rights isiphume lendlela zokusiza lababantu ngokubalobela ingwalo.

EZimbabwe inkulungwane lenkulungwane zabantu azilancwadi zokuzalwa njalo abanye bath zatshabalala kulandela umbhuqazwe wegukurahundi.

Uhulumede, ulemizamo eminengi yokuthi lababantu bathole lezi ncwadi kodwa abanye bacina behlulekile ukuzithola.

Inhlanganiso yeAbammeli Lawyers For Human Rights isiphume lendlela zokusiza lababantu ngokubalobela ingwalo, ukumamela, kanye lokunye okungabe kudingakala osekudale umehluko kunengi.

Ekhuluma leStudio 7, ngemva komhlangano wokukhulumisana lozulu koBulawayo oqoqwe yinhlanganiso yeWILD, ilunga ledale lephalamende uNkosikazi Thabitha Khumalo uncome isenzo seALHR esithi kuhle njalo abantu abatshelane basizakale.

Evumelana loKhumalo, umphathi weWOZA, uNkosikazi Jenny Williams uthe kuzanceda ukuthi abantu babhalisele ukuvota.

UNkosikazi Sikhululekile Moyo uthe ufisa uhlelo lolu luqhubekele phambili.

Umqondisi weNYDT, uMnunzna Liberman Bhebhe, uthe useke wayafika emawofisini kaHulumende ngodaba lokuswela incwadi lezi eziqakathekileyo kodwa izisebenzi zikahulumende azikuboni kuludubo olumangalisayo.

Uhlelo lweALHR, lukhangelelwe ukusiza inkulungwane lenkulungwane zabantu kungakhathalekile ukuthi baphuma ngaphi kwendawo.

UAnnahstacia Ndlovu Uyalandisa
please wait

No media source currently available

0:00 0:03:09 0:00

XS
SM
MD
LG