amalinks wokungena

Breaking News

Gukurahundi: 'Badabula Udadewethu Isisu Ezithwele Babulala Lobaba'


Gukurahundi

Uzulu weMatabeleland laseNkabazwe seleminyaka engaphezu kwamatshumi amathathu efuthelene ngobudlova bombuqazwe weGukurahundi owabulala abantu abedlula inkulungwane ezingamatshumi amabili.

Abanye abaphathwa ngumbuqazwe lo ngendlela ezitshiyeneyo bathi ukufuthelana kwabo sokudlondlobele ngamandla kulandela ukungena kukaMongameli Emmerson Mnangagwa embusweni.

UMnangagwa wetheswa icala lokuphatheka kabanzi kucuku lolu ngoba nguye owayengumphathintabo wokuvikelwa kwelizwe, uState Security Minister, ngalesosikhathi.

Abalimalayo kumbe ababulawelwa izihlobo ngamabutho kaMnu Robert Mugabe, aweFifth Brigade, bathi bafuna uMnangagwa axolise ukuze bathole ukuthula enhliziyweni zabo.

please wait

No media source currently available

0:00 0:04:36 0:00

Omunye wabaphepha eBhalagwe uMnu Charles Thomas, uthi waganyulwa ekhanda ngamasotsha kaMugabe. Uthi lanamuhla ulenxeba elidinga ukwelatshwa.

“Ngilama prescription angu24 engiwadingayo ukuze ngelatshwe lapha engatshaywa khona eBhalagwe,” kutsho uMnu Thomas yena othi sephilela evalweni ngoba esesaba uMnangagwa.

Ibutho leFifth Brigade lenza ucuku olumangalisayo ngendlela ezitshiyeneyo ezigoqela ukubamba abesifazana iganyavu, ukusika abantu izitho zomzimba ezigoqela indebe zomlomo, izandla, inyawo lezinye izitho njalo abazithweleyo behlinzwa bephila bevulwa izisu.

Members of the Zimbabwean military parade during a dress rehearsal for Friday's presidential inauguration of Emmerson Mnangagwa, at the National Sports Stadium in Harare, Zimbabwe, Nov. 23, 2017.
Members of the Zimbabwean military parade during a dress rehearsal for Friday's presidential inauguration of Emmerson Mnangagwa, at the National Sports Stadium in Harare, Zimbabwe, Nov. 23, 2017.

Abanye ngababengcwatshwa bephila kuthi abanye ngababegejiswa amathuna abo babe sebedutshulwa begqitshelwe khonapho.

Umlandu ababewetheswa kwakungowokuthi basekela ibandla leZapu kumbe amadissidents lokuthi baNgaMandebele kumbe bahlala eMatabeleland.

Omunye owasila ezandleni zamasotsha kaMugabe ngokhethe ukubizwa ngoNkosikazi Sefunyenwe Moyo, okungayisilo gama lakhe sibisibili.

UMaMoyo uthi lanxa wayemncane, uyakhumbula udadewabo edatshulwa isisu ngamasotsha ngengqamu ezithwele ngoba esithi wayethwele idissident. Uyise wafela ukuzama ukuvikela indodakazi yakhe.

“Udadewethu wayezithwele, opasi bafika bathi uthwele idissident ngakho bafuna ukulibona ngokumvula isisu,” kutsho uMaMoyo.

“Ubaba wazama ukukhulumisana labo basebemtshaya bamsika waze wafa. Udadewethu laye bamsika isisu bavula bakhipha umntwana wafa lomntwana laye wafa,” uqhubeke echasisa uMaMoyo.

Uthi uMnangagwa kumele axolise.

APTOPIX Zimbabwe New President
APTOPIX Zimbabwe New President

Owake waba ngumphathintambo wogatsha lukahulumende olwalukhuthaza ukukhumisana umlotha olweNational Healing uMnu Moses Mzila Ndlovu uthi uMnangagwa ulomlandu wokuxolisa njengoba esethembise ukuthi ufuna ukuqondisa ilizwe.

Ngaphandle kombuqazwe weGukurahundi, uMnangagwa wetheswa icala lokukhokhela ekuhleleni udlakela olwaluqondiswe kubasekeli beMDC ngamalunga eZanu PF kukhetho luka2008.

Igqwetha elilwela amalungelo oluntu njalo engumqondisi wenhlanganiso yamagqwetha iAbammeli, uMnu Tineyi Mukwewa uthi isilonda sombuqazwe lesi asisoze siphole nxa singelatshwanga.

Abanye bathi udaba lolu kumele lulungisiswe masinya abakwenzayo besaphila lababulawelwa izihlobo besaphila.

Facebook Forum

XS
SM
MD
LG