amalinks wokungena

Ususwa Esikhundleni seCAF uIssa Hayatou

  • VOA
  • Gibbs Dube

U-Issa Hayatou, 16, 2017.

UMnu. Issa Hayatou, okade sehlale esikhundleni sikamongameli wenhlanganiso yezenguqu eye Confederation of African Football Associations (CAF) kuzwekazi leAfrica okweminyaka phose engamatshumi amathathu (29), usesusiwe esikhundleni.

Ukhitshwe esikhundleni nguMnu. Ahmad wakwele Madagascar olomkhankaso okade uphethwe nguMnu. Phillip Chiyangwa, umongameli wenhlanganiso yezenguqu eZimbabwe eye Zimbabwe Football Association.

Kukhetho lokudinga umongameli weCAF, uAhmad uthole amavoti angamatshumi amathathu lane kwathi uHayatou wazuza angamatshumi amabili.

UHayatou, oleminyaka engamatshumi ayisikhombisa njalo owakhethwa ngomnyaka ka1988, usekhangelelwe ukuba uzasuswa esikhundleni sokuba ngumsekeli kamongameli weFIFA njalo lakuhlangothi oluqakathekileyo olwe FIFA ruling council.

UAhmad utshele intathelizindaba eAddis Ababa kusanda kwethulwa impumela yokhetho lolu ukuba usebenze gadalala ukuze asithole isikhundla lesi.

Lokhu kusekelwe ngokade ekhokhela akade bemkhankasela, uChiyangwa, othe bekusobala ukuba uzadliwa uHayatou.

UAhmad uzaba sesikhundleni lesi okweminyaka emine njalo ulakho ukukhethwa okwesibili nxa efisa kubenjalo.

Uthembise ukuba uzaguqula indlela okuqhutshwa ngayo ezemidlalo kuzwekazi leAfrica.

Umongameli we FIFA, uMnu. Gianni Infantino, kade esekhethweni lolu lapho okade kucatshangelwa ukuba ubesekela uAhmad ngoba wabonakala esidilini elinziwa nguChiyangwa kungakenziwa ukhetho lolu.

Facebook Forum

XS
SM
MD
LG