amalinks wokungena

Breaking News

MDC: Abantu Bakwele China Okule Coronavirus Akumelanga Bangavunyelwe Ukungena eZimbabwe


Workers in protective suits conduct RNA tests on specimens inside a laboratory at a centre for disease control and prevention, as the country is hit by an outbreak of the novel coronavirus, in Taiyuan, Shanxi province, China February 14, 2020…
Workers in protective suits conduct RNA tests on specimens inside a laboratory at a centre for disease control and prevention, as the country is hit by an outbreak of the novel coronavirus, in Taiyuan, Shanxi province, China February 14, 2020…

Ibandla leMDC elikhokhelwa nguMnu. Nelson Chamisa lithi kumele kumiswe abantu bonke abadabuka kwele China ukuthi bengabuyi eZimbabwe ngenxa yokuqhamuka komkhuhlani weCoronavirus COVID-19 endaweni yeWuhan.

Ibandla leli lithi kumele njalo labadabuka kwele Zimbabwe bangahambi kwele China ukwenzela ukuthi kungamemetheki umkhuhlane lo.

Ibandla leli lithi likhathazwa ngumbiko kahulumende othi abantu abavela kwele China bayavunyelwa ukungena eZimbabwe babe sebezihlalela ezindlini zabo santando lokhu okubinzwa ngeSilungu ngokuthi yi-self quarantine ukwenzela ukuthi bengamemethekisi umkhuhlane lo nxa bewuthwele kodwa ungakahlaseli imizimba yabo.

Ibandla leli lethule lokhu kulandela umbiko othi kulezizalwane zakwele China ezilomkhuhlane lo ezikwele Zimbabwe.

Uhulumende ulandule umbiko lo esithi akulamuntu oleCoronavirus COVID-19 kwele Zimbabwe. Uthi lowo ngumbiko wamanga.

Umkhuhlane lo usubulele abantu abedlula inkulungwane lamakhulu ayisithupha – 1,665 ikakhulu kwele China.

Kulabantu abedlula inkulungwane ezingamatshumi amahlanu – 50,054 kwele Zimbabwe. Inani labantu emhlabeni wonke jikelele abalomkhuhlane lo seledlula inkulungwane ezingamatshumi amahlanu lamakhulu amahlanu – 50,580.

XS
SM
MD
LG